નાદારી / એલન મસ્કને સતાવી રહ્યો છે ટ્વિટરના દેવળીયા થવાનો ડર, સિનિયર કર્મચારીઓના રાજીનામાના કારણે વધ્યું ટેન્શન

• એલન મસ્કે ટ્વિટરના દેવાળિયા થવાની આશંકા જતાવી
• નાદારી થવાની શક્યતાને નકારી શકાય નહીં - એલન મસ્ક
• અમેરિકન ફેડરલ ટ્રેડ કમિશનની ટ્વિટર પર નજર 

ટ્વિટરના નવા માલિક એલન મસ્કને તેના આ સોશિયલ મીડિયા પ્લેટફોર્મનું દેવાળિયો થવાની આશંકા જતાવી છે. એક રિપોર્ટ અનુસાર અબજોપતિ મસ્કે ટ્વિટરના કર્મચારીઓને એક કોલ પર કહ્યું હતું કે નાદારી થવાની શક્યતાને નકારી શકાય નહીં. જણાવી દઈએ કે મસ્કે બે અઠવાડિયા પહેલા 44 બિલિયન ડોલરમાં ટ્વિટર ખરીદ્યું હતું અને તે જ સમયે ક્રેડિટ એક્સપર્ટ્સે કહ્યું હતું કે આ મોંઘી ડીલની સીધી અસર ટ્વિટરની નાણાકીય સ્થિતિ પર પડશે. 

😉 pic.twitter.com/eaIYaDRBnu

— Elon Musk (@elonmusk) November 1, 2022

કર્મચારીઓના રાજીનામાએ ટ્વિટરની ખરાબ આર્થિક સ્થિતિ તરફ ઈશારો કર્યો
જણાવી દઈએ કે આ સાથે જ ટ્વિટરના બે ટોચના એક્ઝિક્યુટિવ જોએલ રોથ અને રોબિન વ્હીલરે રાજીનામું આપી દીધું છે. આ બંને એ બુધવારે મસ્ક સાથે ટ્વિટર સ્પેસ ચેટને મૉડરેટ કર્યું હતું અને ત્યાં જાહેરાતકર્તાઓ દૂર થવા અંગેની ચિંતાઓને દૂર કરવાનો પ્રયાસ કર્યો હતો. જો કે આ પહેલા ગુરુવારે ટ્વિટરના ચીફ સિક્યુરિટી ઓફિસર લી કિસનરે ટ્વીટ કરીને જણાવ્યું હતું કે તેને પોતાના પદ પરથી રાજીનામું આપ્યું છે અને આટલું જ નહીં ચીફ પ્રાઈવસી ઓફિસર ડેમિન કિરન અને ચીફ કમ્પ્લાયન્સ ઓફિસર મરિયાને ફોગાર્ટીએ પણ રીઝાઈન કર્યું હતું અને આ બધા રાજીનામાએ ટ્વિટરની ખરાબ આર્થિક સ્થિતિ તરફ ઈશારો કર્યો હતો. 

અમેરિકન ફેડરલ ટ્રેડ કમિશનની ટ્વિટર પર નજર 
યુએસ ફેડરલ ટ્રેડ કમિશનનું કહેવું છે કે તે એમની પ્રાઈવસી અને અધિકારીઓના રાજીનામાને પગલે ટ્વિટર પર નજર રાખી રહ્યું છે અને આ રાજીનામાઓ ટ્વિટરને નિયમનકારી આદેશોના ઉલ્લંઘનના જોખમમાં મૂકે છે. જણાવી દઈએ કે મસ્કે ગુરુવારે ટ્વિટર કર્મચારીઓ સાથે તેમની પહેલી મુલાકાત કરી હતી અને આ દરમિયાન એમને કહ્યું હતું કે કંપનીને આવતા વર્ષે અબજો ડોલરનું નુકસાન થઈ શકે છે.જો કે હજુ પણ સંભવિત નાદારી અને રાજીનામા અંગેના પ્રશ્નો પર Twitter તરફથી કોઈ પ્રતિસાદ મળ્યો નથી. 

At Twitter headquarters’ coffee bar, ⁦@elonmusk⁩ pic.twitter.com/vy5Cw7zttf

— Walter Isaacson (@WalterIsaacson) October 27, 2022

ટ્વિટરના ભારતીય યુનિટને 32 કરોડનું નુકશાન 
જણાવી દઈએ કે 31 માર્ચ, 2022 ના રોજ પૂરા થયેલા નાણાકીય વર્ષમાં ટ્વિટરના ભારતીય યુનિટને આશરે રૂ. 32 કરોડનું નુકસાન થયું છે.  જો કે આ પહેલા ટ્વિટર ઈન્ડિયાએ નાણાકીય વર્ષ 2020-21માં 7.76 કરોડ રૂપિયાનો નફો કર્યો હતો. જો કે એ પછી એક રિપોર્ટ અનુસાર કર્મચારીઓનો ખર્ચ 2020-21માં 43.25 કરોડથી ત્રણ ગણો વધીને 136.81 કરોડ રૂપિયા થઈ ગયો છે.