મહામારી / કોરોના મહામારીનો ખૌફ તો જુઓ ! લોકોમાં જોવા મળ્યો 'અજીબ વ્યવહાર', સ્ટડીમાં ચોંકાવનારો ખુલાસો

• કોરોના મહામારીમાં લોકોની જીવનશૈલીમાં મોટો ફેરફાર 
• લોકો હવે નાના મોટા જીવાણુઓથી પણ ડરતા થયા
• અમેરિકાના તારણમાં સામે આવી વાત ચોંકાવનારી માહિતી
• લોકો હવે  જર્મોફોર્બ્સથી પીડાઈ રહ્યાં છે 

કોરોના મહામારીમાં લોકોની જીવનશૈલીમાં ખૂબ મોટું પરિવર્તન આવ્યું છે. જ્યારથી કોરોના મહામારી શરુ થઈ છે ત્યારથી લોકો હવે વાયરસનું નામ સાંભળીને ડરી જાય છે.  સૌથી વધુ અસર અમેરિકા પર જોવા મળી રહી છે. કોરોના મહામારીના કારણે અમેરિકાના મોટાભાગના લોકો  જર્મોફોર્બ્સ બની ગયા છે.

જર્મોફોર્બ્સ એટલે શું?
મેડિકલ ભાષામાં જર્મોફોર્બ્સને એવા લોકો કહેવામાં આવે છે જે કોઈ પણ પ્રકારના જીવાણુથી ડરે છે. જર્મોફોર્બ્સથી પીડાતા લોકો ગમે તેવા નાના મોટા જીવાણુઓથી ડરતા હોય છે. તેઓ એક પ્રકારની કાલ્પનિક દુનિયામાં રાચતા હોય છે અને તેમને આવો ડર લાગતો હોય છે. જોકે તેમનો ડર સાચો હોતો નથી.  ઝલીયર અને વનપોલ દ્વારા હાથ ધરવામાં આવેલા તાજેતરના એક સર્વેક્ષણમાં દર્શાવવામાં આવ્યું છે કે ત્રણમાંથી બે કરતા વધુ અમેરિકનો 'જર્મફોબ્સ' તરફ વળ્યા છે.

લોકોની બદલાયેલી આદતો
સર્વેક્ષણમાં ભાગ લેનારા લગભગ 69 ટકા લોકોએ જણાવ્યું હતું કે તેઓએ બીમાર ન પડે તે માટે નવી સ્વચ્છતા પ્રથા અપનાવી હતી. જેમાં માસ્ક અને ગ્લોવ્ઝ પહેરવા, વારંવાર હાથ ધોવા અને અન્યનો સમાવેશ થાય છે.

68 ટકા ઉત્તરદાતાઓએ કહ્યું સ્વચ્છતાને પ્રાયોરિટી
આશરે 68 ટકા ઉત્તરદાતાઓએ જણાવ્યું હતું કે તેઓએ સ્વચ્છતાને પ્રાયોરિટી આપી છે. સાથે જ 62 ટકા લોકોએ દાવો કર્યો કે ભવિષ્યને સારું બનાવવા માટે તેમની સફાઈની આદતો હંમેશા માટે બદલાઈ ગઈ છે. તેઓ આ માટે કોરોના મહામારીનો પણ આભાર માને છે.

આ સર્વે બુધવારે જાહેર કરવામાં આવ્યો 
આ સર્વેનું પરિણામ બુધવારે જાહેર કરવામાં આવ્યું હતું. સર્વેક્ષણમાં ભાગ લેનારા લગભગ 88 ટકા લોકોએ જણાવ્યું હતું કે તેમના માટે સ્વચ્છતા હવે અત્યંત મહત્વપૂર્ણ બની ગઈ છે. તે જ સમયે, 57% ઉત્તરદાતાઓએ અફસોસ વ્યક્ત કર્યો કે તેઓએ તેમના શરીર સાથે જે રીતે વર્તવું જોઈએ તે રીતે તેમના શરીર સાથે વર્તન કર્યું નથી.

નાકને સાફ રાખવું જરૂરી 
આ સર્વેમાં ઝલીયરના ડોક્ટર લોન જોન્સે જણાવ્યું હતું કે, "નાકને સાફ રાખવું મહત્વપૂર્ણ છે કારણ કે અનિવાર્યપણે તમામ શ્વસન સમસ્યાઓ ત્યાંથી શરૂ થાય છે."જોન્સે સૂચવ્યું હતું કે વધુ સારા આરોગ્ય શોધનારાઓએ તેમના નાકની વધુ સારી સંભાળથી શરૂઆત કરવી જોઈએ. કંપનીના સીઈઓ નાથન જોન્સે પણ તેમના આ સૂચન સાથે સહમતી દર્શાવતા કહ્યું હતું કે નાકની સંભાળ રાખવાથી આપણે અડધી બીમારીઓને વિકસિત થતી અટકાવી શકીએ છીએ.