કોરોના સંક્રમણના વધતા કેસો અને ગંભીર સ્થિતિને ધ્યાનમાં લઇને સંયુક્ત રાજ્ય અમેરિકાએ કોવિડ-19ની તબીબી તપાસમાં રેમડેસિવિરને સામેલ કરવાનો નિર્ણય લીધો છે. રેમડેસિવિરનો કેટલાંક દેશ મુખ્ય દવા તરીકે ઉપયોગ કરી રહ્યાં છે.
સંયુક્ત રાજ્ય અમેરિકાના ખાદ્ય અને ડ્રગ એડમિનિસ્ટ્રેશન ઓથોરિટીએ કોરોના સંક્રમણ સામે લડવા માટે રેમડેસિવિર દવાને મંજૂરી આપી દીધી છે. અમેરિકાના મીડિયાના જણાવ્યા અનુસાર કોરોના વાયરસથી ગંભીર રીતે પીડિત લોકોને રેમડેસિવિર આપવામાં આવશે.
આ પહેલા અમેરિકાએ વધારે હોસ્પિટલ કોવિડ-19ના દર્દીઓનો ઇલાજ કરવા માટે મલેરિયાની દવા હાઇડ્રોક્સીક્લોરોકિનનો ઉપયોગ કર્યો હતો. પરંતુ તેના ઉપયોગનું પરિણામ સારુ ન આવવાથી તેનો ઉપયોગ બંધ કરી દીધો હતો.
ઉલ્લેખનીય છે કે આગામી મહીને અમેરિકામાં રાષ્ટ્રપતિ પદની ચૂંટણી યોજાવા જઇ રહી છે. ત્યારે ટ્રમ્પ પ્રશાસન દરેક પગલું સમજી વિચારીને લઇને રહી છે. તો બીજી તરફ વિશ્વમાં કોરોનાનું સંક્રમણ યથાવત જોવા મળી રહ્યું છે. વિશ્વમાં કોરોના સંક્રમિતોની સંખ્યા 4.15 કરોડ ઉપર પહોંચી ગઇ છે. આ વચ્ચે યૂરોપીય દેશમાં બીજી લહેર દેખાઇ રહી છે, જ્યારે અમેરિકામાં મૃતકોની સંખ્યા 2.27 લાખ ઉપર પહોંચી ગઇ છે.