બેન્ક એફડીની તુલનામાં પોસ્ટ ઓફિસ ફિક્સ્ડ ડિપોઝિટ સ્કીમ એક સારો રોકાણનો વિકલ્પ હોઈ શકે છે.
પોસ્ટની આ સ્કીમમાં કરો રોકાણ
મળશે બેન્ક કરતા વધારે વ્યાજ
અહીં જાણો કેટલો છે વ્યાજદર
આજે પણ રોકાણની વાત આવે એટલે મોટાભાગના લોકો FD એટલે કે ફિક્સ ડિપોઝિટ (Fixed Deposit)ની સલાહ જ આપે છે. રોકાણ કરવા માટે લોકો FDને જ સારો વિકલ્પ માને છે. જેમાં ગેરન્ટીની સાથે રિટર્ન મળે છે. માટે સેવિંગ એકાઉન્ટ (Saving Account)ના મુકાબલે વધારે રિટર્ન મળે છે. જોકે કોરોના સંકટના સમયમાં બેન્ક એફડીના દરોમાં પણ ભારે ઘટાડો આવ્યો છે અને આવી સ્થિતિમાં પોસ્ટ ઓફિસમાં FD કરાવવી રોકાણકારો માટે એક સારો વિકલ્પ બની શકે છે.
પોસ્ટ ઓફિસ FD પર 5.5 ટકાનું મળી રહ્યું છે વ્યાજ
એક્સપર્ટ અનુસાર બેન્ક FD પર હાલના દિવસો પર મળી રહેલા વ્યાજદર, મોંઘવારી દરોને પાઠળ મુકવા માટે પુરતા નથી અને માટે FD કરવવા માંગતા રોકાણકારો વધારે વ્યાજ માટે પોસ્ટ ઓફિસની યોજનાઓ પર વિચાર કરી શકે છે. કારણ કે 1 વર્ષ, 2 વર્ષ અને 3 વર્ષના સમયગાળા માટે પોસ્ટ ઓફિસ FD પર 5.5 ટકાનું વ્યાજદર મળી રહ્યું છે. જે મોંઘવારીના સરેરાશ વાર્ષિક વ્યાજદરના લગભગ નજીક છે.
એક રિપોર્ટ અનુસાર ટેક્સ અને ઈનવેસ્ટમેન્ટ એક્સપર્ટ જિતેન્દ્ર સોલંકી કહે છે કે, "કોરોના સંકટના કારણે બેન્ક એફડીના દરોમાં ઘટાડો જોવા મળ્યો હતો. ત્યાં જ પોસ્ટ ઓફિસ એફડીના દરો 5.5 ટકાથી 6.7 ટકા સુધીના છે."
પોસ્ટ ઓફિસ એફડી પર વ્યાજદર
ઈન્ડિયા પોસ્ટની વેબસાઈટ અનુસાર, 1 વર્ષ, 2 વર્ષ અને 3 વર્ષની એફડી પર વાર્ષિક 5.5 ટકા વ્યાજ મળે છે. ત્યાં જ 5 વર્ષના સમયગાળા માટે એફડી પર વાર્ષિક 6.7 ટકા વ્યાજ મળે છે. જોકે રોકાણકારોને આ વાત ધ્યાનમાં રાખવી જોઈએ કે પોસ્ટ ઓફિસ પોતાની એફડી પર વાર્ષિક આધાર પર વ્યાજ આપે છે પરંતુ ગણતરી ત્રણ મહિનાના આધાર પર કરે છે. પોસ્ટ ઓફિસમાં ન્યૂનતમ 1,000 રૂપિયાની એફડી કરાવવી શકાય છે. વધારે રોકાણની કોઈ મર્યાદા નથી.