વર્લ્ડ કપના ઇતિહાસમાં પાકિસ્તાન સામે પહેલી વાર ભારત હાર્યું છે ત્યારે શમીને જવાબદાર માનીને લોકોએ ખૂબ ટ્રોલ કર્યો હતો. આ અપમાનજનક ટિપ્પણીઓને ફેસબૂકે હટાવી દીધી છે.
ભારતની હાર બાદ શમીને કર્યો ટ્રોલ
પાકિસ્તાન જતાં રહેવા પણ કહેવાયું
ફેસબૂકે લીધી જોરદાર એક્શન
ભારતીય ફાસ્ટ બોલર મોહમ્મદ શમી વિરુદ્ધ અપમાનજનક ટિપ્પણી હટાવવા માટે ફેસબૂકે પગલાં લીધા છે. વર્લ્ડકપના ઇતિહાસમાં પાકિસ્તાન ભારત સામે જીત્યું છે. જે બાદ શમીને ટીકાનો સામનો કરવો પડી રહ્યો છે.
ભારતને પાકિસ્તાન સામે 10 વિકેટે હારનો સામનો કરવો પડ્યો છે. બાદમાં અમેરીકી કંપનીએ કહ્યું કે, તે લોકો વિરુદ્ધ કાર્યવાહી કરવાનું ચાલુ રાખો જે સામુદાયિક માનકોનું ઉલ્લંઘન કરી રહ્યાં છે.
ફેસબૂક પ્રવક્તાએ કહ્યું કે, કોઇને પણ ક્યાંય પણ દુર્વ્યવહારનો અનુભવ ન થવો જોઇએ અને અમે અમારા પ્લેટફોર્મ પર આવું નથી ઇચ્છતા. અમને એક ભારતીય ક્રિકેટરના સંબંધમાં ખરાબ ટિપ્પણીઓ મળી છે અને અમે તેને હટાવી રહ્યાં છીએ.
હિડન વર્ડ્સ જેવા ઉપકરણ કામ આવશે
પ્રવક્તાએ કહ્યું કે કંપનીએ હાલમાં જ પોતાની પોલીસી અપડેટ કરી છે. તેણે કહ્યું કે, અમારી પાસે હિડન વર્ડ્સ જેવા ઉપકરણ છે. જે તમને અપમાનજનક ટિપ્પણી અને મેસેજ આવવા પર પ્રોટેક્ટ કરશે.
શમી હાલના સમયમાં ભારતના સર્વશ્રેષ્ઠ બોલરમાંથી એક છે જે છેલ્લા પાંચ વર્ષમાં સારુ પ્રદર્શન આપી ચૂક્યો છે. સોશ્યલ મીડિયા પર લોકોએ તેના ધર્મને લઇને ટ્રોલ કર્યો હતો. તેને પાકિસ્તાન જતા રહેવા માટે પણ કહેવામાં આવ્યું હતું. જે બાદ ઘણા સેલેબ્સ તેના સમર્થનમાં આવ્યા હતા.