આજના સમયમાં ફેટી લીવર રોગ ખૂબ સામાન્ય સમસ્યા છે. જે લોકો વધુ દારૂ પીવે છે એવા લોકોને આલ્કોહોલિક ફેટી લિવર ડિસીઝની ફરિયાદ થાય છે. આ સાયલન્ટ બિમારીના અમુક વોર્નિગ સાઈન હોય છે. જે શરૂઆતમાં દેખાતા નથી.
દારૂ પીવાથી લિવર થઇ રહ્યું છે ખરાબ
આ પ્રારંભિક લક્ષણોને ના કરશો નજરઅંદાજ
ફેટી લિવર ડિસીઝને કારણે લિવર બરોબર કામ કરતુ નથી
લિવર બરોબર કામ ના કરવાથી અનેક સમસ્યાઓ થાય છે ઉભી
ફેટી લિવર ડિસીઝ એક એવી બિમારી છે, જેમાં લિવરની કોશિકાઓમાં વધારે ફેટ જમા થાય છે. આ બિમારીના કારણે લિવર યોગ્ય રીતે કામ કરી શકતુ નથી અને અનેક સમસ્યાઓ થાય છે. દર ત્રણમાંથી એક માણસ આ બિમારીનો સામનો કરી રહ્યો છે. હાઈ કોલેસ્ટ્રોલ લેવલ, ડાયાબિટીસ, સ્લીપ એપનિયા, અંડરએક્ટિવ થાઈરૉડ ફેટી લિવર ડીસીઝના કારણે હોઇ શકે છે. ફેટી લિવર ડીસીઝને સ્ટીટોસિસ પણ કહેવામાં આવે છે.
આલ્કોહૉલિક ફેટી લિવર ડિસીઝ શું છે?
લિવર શરીરનુ જરૂરી અંગ છે, જે કોલેસ્ટ્રોલ અને બ્લડ શુગરને કંટ્રોલ કરે છે, ઝેરી પદાર્થને ફિલ્ટર કરે છે, ડાઈજેશનમાં મદદ કરે છે અને સંક્રમણને કંટ્રોલ કરે છે. દારૂ પીવાથી લિવરની કોશિકાઓ ડેમેજ થાય છે. જો કે, લિવર જાતે પોતાને રિકવર કરે છે, પરંતુ જો કોઈ વધુ દારૂ પીવે છે તો તેની આ ક્ષમતા ખત્મ થાય છે.
આલ્કોહોલિક ફેટી લિવરના સંકેત
ઓલિયો લુસોની મેડિકલ ડાયરેક્ટર ડૉ. મોનિકા વાસરમેન મુજબ, વધુ દારૂ પીવાથી શરીરને ખૂબ નુકસાન થાય છે. દારૂના વધુ પડતા સેવનથી લિવરની પેશીને નુકસાન થઇ શકે છે, જેના કારણે મળમાં લોહી આવી શકે છે અને લિવરના સામાન્ય કામ રોકાઈ જાય છે. જે લોકો વધુ દારૂ પીવે છે તેની રક્ત કોશિકાઓ નબળી થાય છે અને તેમાં સોઝો આવી જાય છે. જેનાથી મળમાં લોહી આવવા લાગે છે.
આલ્કોહોલિક ફેટી લિવર ડિસીઝના અન્ય લક્ષણો
નેશનલ હેલ્થ સર્વિસ અનુસાર, આલ્કોહોલિક ફેટી લિવર ડિસીઝના કેટલાંક અન્ય લક્ષણ પણ હોય છે, જેની અવગણના ના કરવી જોઈએ. જો કોઈને નીચે બતાવેલા લક્ષણો દેખાય છે તો તેવા લોકોએ તાત્કાલિક ડૉકટરને બતાવવુ જોઈએ.