તમારા કામનું / ફેટી લિવર જેવી બિમારીઓને ન કરતાં નજરઅંદાજ, આ 6 બાબત છે ખતરાની નિશાની, સંકેત મળતા ચેતી જજો

• ફેટી લિવર બની શકે છે લિવર ફેઇલરનું કારણ
• મદીરાપાન ન કર્યું હોય તો પણ થઇ શકે છે બિમારી 
• આ સંકેતો દર્શાવે છે અસ્વસ્થ લિવરનાં લક્ષણો

ફેટી લિવરની તકલીફ આજકાલ ઘણાં લોકોમાં જોવા મળી રહી છે. સામાન્ય રીતે માનવામાં આવે છે કે માત્ર દારૂનું સેવન કરવાવાળા લોકોને જ લિવરની બિમારી થાય છે પરંતુ એવું નથી. નોન-આલ્કોહોલિક લિવર ડિઝીઝ(NAFLD) એક એવો રોગ છે જે એવા લોકોને થાય છે કે જે બિલકુલ પણ મદીરાપાન કરતાં નથી. આ બિમારી ત્યારે થાય છે જ્યારે લિવરમાં ચર્બીનું પ્રમાણ ઘણું વધારે હોય છે. 

આ બિમારી બની શકે છે લિવર ફેલરનું કારણ
જો NAFLDનો ઉપચાર યોગ્ય સમયે અને યોગ્ય રીતે કરવામાં આવતું નથી તો તેનાથી નોન-આલ્કોહોલિક સ્ટીટોહેપટાઇટિસ (NASH) પણ થઇ શકે છે જે આગળ જઇને સિરોસિસ કે પછી લિવર ફેલરનું કારણ પણ બની શકે છે. તેવામાં તમે દારૂનું સેવન કરતાં હોય કે નહીં ફેટી લિવરના શરૂઆતી સંકેતો જાણી લેવા જોઇએ.

ફેટી લિવરનાં સંકેતો:

ભૂખ ન લાગવી
ભૂખ ન લાગવાનાં કારણો અનેક હોય છે પરંતુ જો તમને લાંબા સમયથી ભૂખ નથી લાગી રહી અને અચાનક ઉબકા, માથામાં દુ:ખાવો કે ઊલટી જેવા અનુભવો થઇ રહ્યાં છે તો સ્થિતિ ગંભીર બની શકે છે. ભૂખ ન લાગવું ફેટી લિવરનો સૌથી સામાન્ય લક્ષણ છે. તેથી જો તમને લાંબા સમયથી આ અનુભવ થાય છે તો લિવર સ્ક્રીનિંગ જરૂરથી કરાવવી જોઇએ. 

નબળાઇ અનુભવવી
વારંવાર શરીરમાં નબળાઇ અનુભવવી સામાન્ય રીતે લિવર સંબંધિત બિમારી દર્શાવે છે. કેનેડિયન જર્નલ ઓફ ગેસ્ટ્રોએન્ટ્રોલોજીમાં પ્રકાશિત થયેલ એક શોધ અનુસાર આ અનુભવ મસ્તિષ્કમાં ન્યૂરોટ્રાંસમીટરમાં થતાં બદલાવને કારણે થઇ શકે છે. તેથી જો તમે પણ વારંવાર થાક કે નબળાઇનો અનુભવ કરો છો તો શક્ય છે કે તમારાં લિવરમાં કંઇક બિમારી હોય.

શુષ્ક ત્વચા
લિવરની હેલ્થ વિશે તમારી ચામડીથી જાણી શકાય છે. લિવરની બિમારી મોટાભાગે તમારી ચામડી પર જ દેખાઇ આવે છે. એક શોધ અનુસાર લિવરની બિમારી શરીરમાં પિત્તનાં ક્ષારની માત્રામાં વધારો થવાને લીધે થાય છે જેના લીધે તે ત્વચાની નીચે જમા થાય છે અને ત્વચા શુષ્ક થાય છે જે ખંજવાળનું કારણ બની શકે છે.

આંખો અને ત્વચામાં પીળાશ
ત્વચા કે આંખોનો રંગ પીળાશ પડતો હોય તો તેનો અર્થ છે કે તમારા શરીરમાં બિલીરૂબિનનું સ્તર વધી ગયું છે. બિલીરૂબિન એક પીળા રંગનું તત્વ હોય છે જે લિવરમાંથી નિકળે છે. તેને સામાન્ય ભાષામાં જોન્ડિસ કહેવામાં આવે છે જેનો તરત ઇલાજ કરવો જરૂરી છે. 

વજન અચાનક ઘટવું
અચાનક વજન ઘટવું એ અમુક બિમારીના સંકેતો આપે છે, જેમાંથી એક છે અસ્વસ્થ લિવર. આ ન માત્ર લિવર સિરોસિસનો સંકેત છે પરંતુ હેપાટાઇટિસ-સી જેવા વાયરલ ઇન્ફેક્શનનાં પણ સંકેતો આપે છે. જેના લીધે લિવરમાં સોજાં આવે છે અને શરીરમાં દુ:ખાવો થાય છે. 

સરળતાથી શરીર પર ઘા પડવાં
જો તમારું લિવર અસ્વસ્થ છે તો તમારી ચામડી પર સરળતાથી ઘા પડી શકે છે. જો તમારા લિવરને નુક્સાન પહોચ્યું છે તો તે પર્યાપ્ત માત્રામાં ક્લોટિંગ પ્રોટીનનું ઉત્પાદન કરી શકતું નથી જેના લીધે વધુ માત્રામાં રક્તસ્ત્રાવ થાય છે અને શરીર પર સરળતાથી ઘા પડે છે.