શું તમે જાણો છો કે જ્યારે તમને થાઈરોઈડ હોય ત્યારે તમારા શરીરમાં કેવા પ્રકારના ફેરફારો થાય છે? જો સમયસર આ લક્ષણોનું ધ્યાન રાખવામાં ન આવે તો પછીથી તમને ઘણી તકલીફ થઈ શકે છે.
થાયરોઈડથી શરીરમાં જોવા મળે છે આ લક્ષણો
સમયસર ધ્યાન નહીં રાખવામાં આવે તો થશે મુશ્કેલી
જાણો તેના લક્ષણો અને સાવરવાર વિશે
હાલમાં લોકોની જીવનશૈલી સતત બદલાઈ રહી છે. જેના કારણે મોટાભાગના લોકો બહારનો ખોરાક ખાવા માટે મજબૂર છે. ભોજનની ખરાબ આદતોને કારણે મોટાભાગના લોકો અનેક બીમારીઓનો શિકાર બને છે. આજકાલ ઘણા લોકો ડાયાબિટીસ, બ્લડ શુગર, હાર્ટ એટેક કે થાઈરોઈડ જેવી બીમારીઓથી ઝઝૂમી રહ્યા છે.
આવી સ્થિતિમાં તમારે તમારા આહારથી લઈને વર્કઆઉટ પર વધુ ધ્યાન આપવું પડશે. નહીં તો આ રોગો પછીથી મોટી સમસ્યા બની શકે છે. તો આજે અમે તમને થાઈરોઈડની બીમારી વિશે જણાવીશું, તે થવા પહેલા તમારા શરીરમાં કેવા ફેરફારો થાય છે. જેથી સમયસર તેનો ઈલાજ કરી શકાય.
થાઇરોઇડને કારણે ગ્રંથિ મોટી થાય છે
તમને જણાવી દઈએ કે થાઈરોઈડ એક 'ગ્રંથિ' (સોજો) છે, જે ગળામાં હોય છે. આ ગ્રંથિ દ્વારા શરીરનું મેટાબોલિઝમ નિયંત્રિત થાય છે. તેનું કામ આપણે જે ખોરાક ખાઈએ છીએ તેને ઉર્જામાં રૂપાંતરિત કરવાનું છે.
જો કે, જો આ ગ્રંથિ વધી જાય તો તમારા માટે સમસ્યાઓ ઊભી થઈ શકે છે. તેનાથી તમારા શરીર પર સારી અસર પડતી નથી. તેના લક્ષણો એકસાથે દેખાતા ન હોવાને કારણે તેને સાયલન્ટ કિલર પણ કહેવામાં આવે છે.
ગભરામણ થવી પણ એક લક્ષણ
જો તમે નર્વસ અનુભવો છો તો તેને હળવાશથી ન લો કારણ કે તેનાથી તમારી સમસ્યાઓ વધી શકે છે. બની શકે કે આ લક્ષણ થાઈરોઈડનું હોય. આ કિસ્સામાં તમને પરસેવો પણ આવી શકે છે. જો આ સમસ્યા ખતમ થવાનું નામ નથી લઈ રહી તો તમારે તાત્કાલિક ડૉક્ટરને બતાવવું જોઈએ.
ભૂખ વધારે લાગવી
કબજિયાત થવી પણ થાઈરોઈડનું એક લક્ષણ છે. આવી સ્થિતિમાં કેટલાક લોકોને ખૂબ ભૂખ લાગે છે. સાથે જ આવામાં કેટલાક લોકોનું વજન વધવા લાગે છે. જો તમારામાં આ લક્ષણો છે તો તમારે એક વખત ડૉક્ટરની સલાહ જરૂર લેવી જોઈએ જેથી ભવિષ્યમાં તમને વધુ સમસ્યાઓ ન થાય.
આ પણ છે થાઈરોઈડના લક્ષણો
ઉર્જાનો અભાવ હોવાને કારણે વ્યક્તિને શરીરમાં દુખાવો અને થાકનો અનુભવ થવા લાગે છે. આ સિવાય ગળા પાસેની ત્વચા કાળી થવા લાગે છે.
થાઈરોઈડને કારણે ગળામાં ગઠ્ઠો બને છે, જેના કારણે ગળું મોટું દેખાવા લાગે છે, સાથે જ બોલવામાં પણ તકલીફ થવા લાગે છે અને ગળામાં દુખાવો પણ વધી જાય છે.
થાઈરોઈડથી પીડિત વ્યક્તિને ઊંઘવામાં પણ ઘણી તકલીફ થાય છે.