યે બંધન તો... / સુરતથી બેંગ્લુરુ જતો રહ્યો હતો પુત્ર, વેક્સિનના લીધે ત્રણ વર્ષે પિતા સાથે મિલન, CR પાટીલના ફોટોગ્રાફરની મહત્વપૂર્ણ ભૂમિકા

• 3 વર્ષ બાદ ગાયબ થયેલા પુત્ર સાથે પિતાનું મિલન 
• યુવક બેંગ્લોરમાં કરિયર બનાવા કોઈને કહ્યા વગર જતો રહ્યો હતો 
• વેક્સિન માટે યુવકે રજિસ્ટ્રેશન કરાવ્યું અને પોલીસે યુવકને શોધી કાઢ્યો 

સુરતના ગોડાદરા વિસ્તારમાં રહેતો એક યુવક 3 વર્ષ પહેલા અચાનકથી ગાયબ થઈ ગયો હતો. જેના કાકરણે પરિવારના માથે જાણે આભ તૂટી પડ્યું હતું. જોકે 3 વર્ષ બાદ અચાનક પિતાને તેનો પુત્ર મળી ગયો જેના કારણે પરિવારમાં હાલ આનંદનો માહોલ છવાઈ ગયો છે. 

3 વર્ષ પહેલા યુવક ગાયબ થયો 

મૂળ ગોડદરા વિસ્તારમાં રહેવાસી લતીશ પટેલ આજથી 3 વર્ષ પહેલા અચાનક કોઈને કહ્યા વગર ગાયબ થઈ ગયો હતો. છેલ્લા ત્રણ વર્ષથી તેનો પરિવાર તેને શોધી રહ્યો હતો પરંતું યુવક બેંગ્લોરમાં તેનું કરિયર બનવવા માટે સ્થાયી થઈ ગયો હતો. જોકે યુવકે વેક્સિનેશન માટે રજિસ્ટ્રેશન કરાવ્યું કે તેની વિગતો સામે આવી. 

વેક્સિન માટે રજિસ્ટ્રેશન કરાવ્યુ તો વિગતો મળી ગઈ 

લતીશના પિતાનો ભાજપ પ્રદેશ પ્રમુખ સી આર પાટીલના ફોટોદગ્રાફર સુશીલ સાથે સંપર્ક થયો. બાદમાં પોલીસ અધિકારીની સલાહ મેળવ્યા બાદ શોધખોળ શરૂ કરવામાં આવી હતી. જેમા યુવકના આધારકાર્ડ દ્વારા તેની શોધ શરૂ કરવામાં આવી હતી. 3 વર્ષ બાદ જ્યારે વેક્સિન માટે તેણે રજીસ્ટ્રેશન કરાવ્યું કે તરત તેની વિગતો મળી ગઈ. 

પોલીસે પહેલાથીજ આ દિશામાં તપાસ ગોઠવી હતી 

સી આર પાટીલના ફોટોગ્રાફર સુશીલે પોલીસ અધિકારીઓને જાણ કરી હતી જ્યાબ બાદ ગાયબ પુત્રની શોધખોળ હાથ ધરી હતી. પોલીસને એ વાતની જાણ હતી કે આધારકાર્જ મારફતે જો યુવક વેક્સિનેશન માટે રજિસ્ટ્રેશન કરાવશે તો તેની માહિતી મળીજ જશે. જેથી પોલીસે તેજ દિશામાં પોતાની અલગથી તપાસ ગોઠવી હતી. 

પરિવારમાં આનંદનો માહોલ 

ઉલ્લેખનય છે કે યુવકે વેક્સિનેશન માટે રજિસ્ટ્રેશન કરાવ્યું કે તેની ભાળ મળી ગઈ. પોલીસે 3 વર્ષ બાદ ગાયબ પુત્રને શોધી કાઢ્યો જેથી પિતા ખુશ થઈ ગયા સાથેજ હાલ યુવકના પરિવારમાં પણ આનંદનો  માહોલ છે.