ચુકાદો / પપ્પા બહુ ગંદા છે... બે વર્ષની બાળકીએ કોર્ટમાં કહેતા જ પિતાને મળી 20 વર્ષની કેદ

• બાળકીએ કોર્ટમાં જુબાની આપતાં કોર્ટે સંભળાવી સજા 
• બાળકી સાથે રેપ કેસમાં કોર્ટે 20 વર્ષની સજા ફટકારી
• આ ઘટના ગયા વર્ષની જાન્યુઆરીની છે 

બાળકીએ કોર્ટમાં જુબાની આપતાં કોર્ટે સજા ફટકારી  

ઈન્દોરમાં એક ચોંકાવનારો કિસ્સો સામે આવ્યો છે. અહીં એક પિતાએ પોતાની જ બે વર્ષની દીકરીને હવસનો શિકાર બનાવી છે. આ કેસ ગયા વર્ષના જાન્યુઆરી મહિનાનો છે. જેમાં મસૂમ બાળકીએ કોર્ટમાં જુબાની આપતાં કહ્યું હતું કે, પપ્પા ગંદા માણસ છે. હવે પુત્રીની જુબાની પર પિતાને 20 વર્ષની કેદની સજા ફટકારવામાં આવી છે. ઈન્દોરની જિલ્લા અદાલતે વ્યક્તિને આ સજા સંભળાવી છે.  

આ ઘટના ગયા વર્ષની જાન્યુઆરીની છે 

ઈન્દોરમાં વિશેષ ન્યાયાધીશ પવન શ્રીવાસ્તવે ભારતીય દંડ સંહિતાની સંબંધિત જોગવાઈઓ અને જાતીય અપરાધોથી બાળકોની સુરક્ષા (POCSO એક્ટ) હેઠળ 32 વર્ષીય વ્યક્તિને દોષિત ઠેરવતા આ સજા સંભળાવી હતી. ફરિયાદ પક્ષના એક અધિકારીએ જણાવ્યું હતું કે, ગયા વર્ષે જાન્યુઆરીમાં શહેરમાં તેની બે વર્ષની બાળકી ઘરે એકલી જોઈને તેના પર બળાત્કાર કર્યો હતો. જેના કારણે તેના ગુપ્ત અંગોમાં ઈજા થઈ હતી. 

આ ઘટના વખતે બાળકીની માતા તેના ઘરે ન હતી. 

બળાત્કાર સમયે પીડિતાની માતા ઘરમાં ન હતી. અને જ્યારે ઘરે પરત આવી ત્યારે દર્દથી પીડાઈ રહેલી બાળકીને જોતા તેના પિતાની કરતૂત અંગે જાણ થઈ, અધિકારીએ કહ્યું કે, કેસની સુનાવણી દરમિયાન જ્યારે કોર્ટમાં માસૂમ બાળકીનું નિવેદન નોધવામાં આવ્યું ત્યારે તેણે એમ પણ કહ્યું કે, પિતા ગંદા માણસ છે.