મધ્યપ્રદેશમાં એક પિતા તેનીજ પુત્રી પર 3 વર્ષથી દુષ્કર્મ આચરતો હતો. સમગ્ર મામલે જ્યારે માતાને જાણ થઈ ત્યારે માતાએ અને પુત્રીએ હવસખોર પિતા સામે પોલીસમાં ફરિયાદ નોંધાવી.
પિતા 3 વર્ષ સુધી તેનીજ પુત્રી સાથે દુષ્કર્મ આચરતો હતો
દુષ્કર્મ આચરી તેના ભાઈને જાનથી મારી નાખવાની આપતો ધમકી
કંટાળીને યુવતીએ તેના પિતા સામે નોંધાવી ફરિયાદ
આ બનાવ સામે આવ્યો છે મધ્યપ્રદેશમાંની રાજધાની ભોપાલમાં. જ્યા એક હેવાન છેલ્લા ઘણા વર્ષોથી તેનીજ પુત્રી સાથે દુષ્કર્મ આચરતો હતો. જે મામલે તેની પુત્રીએ પોલીસ ફરિયાદ નોંધાવી છે. 19 વર્ષીય યુવતીએ તેની ફરિયાદમાં એવો ઉલ્લેખ કર્યો છે કે તેનો હવસખોર પિતા છેલ્લા 3 વર્ષથી તેનું શોષણ કરતો હતો.
દુષ્કર્મ આચરીને ધમકી આપતો
વધુંમાં યુવતીએ જણાવ્યું છે કે તેનો પિતા તેની સાથે દુષ્કર્મ આચરતો અને બાદમાં તેને એવી ધમકી આપતો હતો કે જો તે કોઈને પણ આ વીશે કહેશે તો તે તેના નાના ભાઈને તેમજ તેની માતાને ઘરની બહાર કાઢી મુકશે. નરાધમ પિતાની આ ધમકીઓને કારણે યુવતી સખત ડરી જતી હતી જેના કારણે તે કોર્ઈને કશું કહેતી ન હતી.
પુત્રી અને માતાએ નોંધાવી પોલીસમાં ફરિયાદ
જોકે એક દિવસ તેની પુત્રીને શાંત જોઈને તેની માતાએ તેની સાતે વાત કરી. પુત્રીએ ડરતા ડરતા બધીજ વાત તેની માતાને કરી. જ્યારે તેની માતાને આ સમગ્ર મામલે જાણ થઈ ત્યારે તેની માતાના પગ નચેથી પણ જમીન સરકી ગઈ. પરંતુ માતા તુરંત તેની બાળકીને લઈને એશબાગ પોલીસ સ્ટેશન પહોચી જ્યા તેણે તેના હવસખોર પિતા સામે ફરિયાદ નોંધાવી.
નાના ભાઈને જાનથી મારી નાખવાની આપી ધમકી
પીડિતાએ તેની ફરિયાદમાં એવો ઉલ્લેખ કર્યો છે કે છેલ્લા ત્રણ વર્ષથી તેનો નરાધમ પિતા તેની સાથે દુષ્કર્મ આચરતો હતો. પહેલી વાર જ્યારે તે દુષ્કર્મનો શિકાર બની તે સમયે તે ઘરમાં એકલી હતી. દુષ્કર્મ આચર્યા બાદ તે સમયે હવસખોર પિતાએ તેને એવી ધમકી આપી હતી કે જો તે કોઈને પણ આ વીશે કહેશે તો તેના નાના ભાઈની તે હત્યા કરી નાખશે.
લોકોમાં રોષનો માહોલ
ઉલ્લેખનીય છે કે પોલીસે ઘટનાની ગંભીરતાને ધ્યાનમાં રાખીને આરોપી પિતાને ઝડપી પાડ્યો છે. સાથેજ તેની સામે પોક્સો હેઠળ ગુનો નોંધીને કાયદેસરની કાર્યવાહી હાથ ધરી છે. જોકે આ ઘટના સામે આવ્યા બાદ આસપાસના વિસ્તારમાં પણ રોષનો માહોલ ફેલાયો છે. લોકોની માગ છે આરોપીને કડકમાં કડક સજા આપવામાં આવે.