હાલમાં બર્મિંગહામમાં યોજાયેલ કોમનવેલ્થ ગેમમાં ભારતનું અદભૂત પ્રદર્શન રહ્યું હતું જેમાં દેશની દીકરી શ્રીજા અકુલાએ કોમનવેલ્થમાં મિક્સ ડબલ ટેબલ ટેનિસમાં શ્રેષ્ઠ પ્રદર્શન કરી ભારતને ગોલ્ડ મેડલ અપાવ્યો હતો આ યશસ્વી સિધ્ધી મેળવનાર ગોલ્ડન ગર્લ શ્રીજાએ VTV સાથે સીક્રેટ શેર કર્યા હતા. જેમાં તેમણે જણાવ્યું હતું કે પિતાએ સરકારી નોકરી છોડી મારી પાછળ મહેનત કરી હતી. જેના ફળસ્વરૂપે આ ઝળહળતી સફળતા મળી છે.
દેશ માટે ગોલ્ડ જીત્યો મને આનંદ છેઃ શ્રીજા
મિક્સ ડબલ ટેબલ ટેનિસમાં શ્રીજા અકુલાએ ગોલ્ડ મેડલ જીત્યો છે. ત્યારે કોમનવેલ્થ ગોલ્ડ મેડલિસ્ટ શ્રીજા અકુલાએ VTV ન્યૂઝ સાથે વાત કરી હતી જેમાં તેમણે જણાવ્યું હતું કે, કોમનવેલ્થ ગેમમાં ભારતને ગોલ્ડ અપાવવોએ મારુ પહેલીથી જ સપનું રહ્યું છે. વધુમાં પહેલા જ ટુર્નામેન્ટમાં ઉત્કૃષ્ટ પ્રદર્શનને લઇને તેમણે ખુશી વ્યક્ત કરી હતી. આ ઉપરાંત સિનિયર ખેલાડીઑ સાથે રમવાથી બહુ શીખવા મળ્યું હતું.
આર્થિક પરિસ્થિતિ ખરાબ છતાં સ્પોર્ટસમાં આગળ વધીઃ શ્રીજા
આ લેવલે પહોંચવા 14 વર્ષ સુધી જબરી જહેમત બાદ સફળત સફળતાનો સ્વાદ ચાખવા મળ્યો હોવાનું જણાવ્યુ હતું. રોજ 5 કલાક પ્રેક્ટીશ અને 2 કલાક ફિટનેશ પાછળ ખર્ચવામાં આવતા હતા. પરિશ્રમના પ્રારંભથી માંડી જીત સુધીના પ્રવાસમાં શ્રીજા અકુલાના કોચ અને પરિવારજનોનો ખૂબ સહકાર મળ્યો હોવાનું તેમણે જણાવ્યું હતું. વધુમાં આર્થિક સ્થિતિ ખરાબ હોવાથી શ્રીજા અકુલાના પિતાએ રૂપિયાની તંગીને લીધે સરકારી નોકરી છોડી હોવાનું પણ શ્રીજાએ જણાવ્યું હતું. જે તમામના સહકારથી આ સફળતા મળી છે. શ્રીજા અકુલાએ અન્ય યુવાઓને સંદેશો આપતા જણાવાયું કે નર્વસ થયા વગર ખંત પૂર્વક મહેનત કરતા રહો એક દિવસ સફળતા જરૂર મળશે.