અરેરાટી / કાળજું કંપાવનારી ઘટના! 3 માસના બાળકની પિતાએ પટકી-પટકીને કરી હત્યા, કારણ જાણી ધ્રૂજી જશો

• દિલ્હીમાં પતિ-પત્નીના ઝઘડાનો ભોગ બન્યું બાળક
• પિતાએ 3 માસના બાળકની પટકાવીને કરી હત્યા 
• પોલીસે હાથ ધરી તપાસ

મામલાની માહિતી મળતાં જ પોલીસ ઘટનાસ્થળે પહોંચી હતી અને હત્યાના આરોપી પિતાની ધરપકડ કરી હતી.

બાળકની પટકાવીને કરી હત્યા
 
દિલ્હી પોલીસના જણાવ્યા અનુસાર આ ઘટના 3 ડિસેમ્બરની છે. 3 ડિસેમ્બરની રાત્રે, પોલીસને પીસીઆર કોલ મળ્યો હતો કે એક વ્યક્તિએ તેના 3 મહિનાના બાળકની મંગલ બજાર રોડ, સમતા વિહારમાં હત્યા કરી છે. જ્યારે પોલીસ ઘટનાસ્થળે પહોંચી ત્યારે 26 વર્ષીય રવિ રાય, જે બાળકનો પિતા છે, નશાની હાલતમાં મળી આવ્યો હતો. બાળકને હોસ્પિટલ લઈ જવામાં આવ્યો જ્યાં ડોક્ટરોએ તેને મૃત જાહેર કર્યો.

પત્ની કરતી હતી નોકરી

બાળકનું માથું સંપૂર્ણ રીતે ફાટી ગયું હતું. પાડોશીઓ અને મકાનમાલિકે જણાવ્યું કે આ પતિ-પત્ની એક મહિના પહેલા જ અહીં ભાડેથી આવ્યા છે અને તેમની વચ્ચે દરરોજ ઝઘડો થાય છે. પત્ની આઝાદપુર મંડીમાં કામ કરવા જાય છે અને પતિ તેને કામ કરવાની ના પાડતો હતો. બાળકને સંભાળવા બાબતે બંને વચ્ચે અવારનવાર ઝઘડો થતો હતો.

પોલીસે હાથ ધરી તપાસ 

ઉલ્લેખનીય છે કે, ઘટનાના દિવસે જ પતિ-પત્ની વચ્ચે થયો હતો ઝઘડો અને પત્ની રાડારાડ કરતી આવી હતી ઘરની બહાર, ત્યારબાદ તેણીએ જણાવ્યું કે, પતિએ બાળકની પટકાવીને હત્યા કરી હતી. સમગ્ર મામલે પોલીસ એક્શનમાં આવી છે અને ગુનો નોંધીને વધુ તપાસ હાથ ધરી હતી.