"બાળપણમાં મેં સહન કરેલા જાતીય શોષણ વિશે બોલ્યા પછી, એવું લાગે છે કે મારા મન પર વર્ષોથી જે બોજ હતો તે હટી ગયો છે." -ભાજપના નેતા અને રાષ્ટ્રીય મહિલા આયોગના સભ્ય ખુશ્બુ સુંદર બોલ્યા
મારા મન પર વર્ષોથી જે બોજ હતો તે હટી ગયો
મારા પિતાએ મારી સાથે યૌન શોષણ કર્યું હતું
દુનિયામાં કોઈપણ મુશ્કેલીનો સરળતાથી સામનો કરી શકીએ
ભાજપના નેતા અને રાષ્ટ્રીય મહિલા આયોગના સભ્ય ખુશ્બુ સુંદરે હાલ એક ચોંકાવનારો ખુલાસો કરતાં કહ્યું હતું કે પિતાએ મારું યૌન શોષણ કર્યું હતું અને મેં આ વાત લોકો સામે કહી તેની મને શરમ નથી. મીડિયા રિપોર્ટ્સ અનુસાર એમને આ વિશે વાત કરતાં કહ્યું હતું કે, 'મેં કોઈ ચોંકાવનારું નિવેદન આપ્યું નથી. મને લાગે છે કે હું પ્રામાણિકતા સાથે બહાર આવી છું કારણ કે આ મારી સાથે થયું છે અને મને લાગે છે કે ગુનેગારને એ કામ કરવા માટે શરમ આવવી જોઈએ, મને નહીં.'
મારા મન પર વર્ષોથી જે બોજ હતો તે હટી ગયો
સાઉથ સિનેમાની જાણીતી અભિનેત્રી અને ભારતીય જનતા પાર્ટીના નેતા ખુશ્બુ સુંદરે એક કાર્યક્રમમાં કહ્યું હતું કે જ્યારે તેણી આઠ વર્ષની હતી ત્યારે તેના પિતા દ્વારા તેનું યૌન શોષણ કરવામાં આવ્યું હતું અને તે સમયે તે તેમની સામે કંઇ કરી શકી ન હતી.આ નિવેદન પછી એમને આગળ કહ્યું હતું કે "બાળપણમાં મેં સહન કરેલા જાતીય શોષણ વિશે બોલ્યા પછી, એવું લાગે છે કે મારા મન પર વર્ષોથી જે બોજ હતો તે હટી ગયો છે."
I haven't made a startling statement, I came out with honesty & I am not ashamed of what I said. Perpetrator needs to be ashamed. If I have taken so many years to speak about it, I think women need to speak about it:Khushbu Sundar on her remarks on her father "who abused her when… https://t.co/g3euvw1SA2pic.twitter.com/8naXybeP9e
મારે આ સંદેશ આપવાની જરૂર હતી
બીજેપી નેતાએ આગળ આ વિશે વાત કરતાં કહ્યું હતું કે આ ઘટસ્ફોટ સાથે તે ઈચ્છે છે કે મહિલાઓ તેમની સાથે શું થયું છે તે વિશે વાત કરે. એમને જણાવ્યું હતું કે 'મને લાગે છે કે મારે આ સંદેશ આપવાની જરૂર છે કે તમારે મજબૂત બનવું પડશે અને તમારા પર નિયંત્રણ રાખવું પડશે. કંઈપણ તમને નીચે ન આવવા દેવા જોઈએ. મને લાગે છે કે મહિલાઓએ આ વિશે વાત કરવી જોઈએ અને તેમને મારે જણાવવું હતું કે મારી સાથે આ બન્યું છે અને તો પણ હું મારી યાત્રા ચાલુ રાખીશ, ભલે ગમે તે થાય."
મારા પિતાએ મારી સાથે યૌન શોષણ કર્યું હતું
આ ઈન્ટરવ્યુમાં ખુશ્બુએ કહ્યું હતું કે, "બાળપણમાં યૌન શોષણનો સામનો કરનારા છોકરાઓ અને છોકરીઓ પર લાંબા સમય સુધી તેની અસર રહે છે જ્યારે હું આઠ વર્ષની હતી ત્યારે મારા પિતાએ મારી સાથે યૌન શોષણ કર્યું હતું. અને જો હું કશું બોલી તો તો મારી માતા અને ભાઈઓને મારી નાખવાની મને ધમકી આપવામાં આવી હતી. પત્ની અને બાળકોને માર મારવાને તે પોતાનો અધિકાર માનતા હતા અને તેણે પોતાની પુત્રી પર યૌન શોષણ પણ તેમનો અધિકાર માનતા હતા. મારી માતાનું લગ્ન જીવન ભયાનક હતું."
દુનિયામાં કોઈપણ મુશ્કેલીનો સરળતાથી સામનો કરી શકીએ
ખુશ્બૂના કહેવા પ્રમાણે, જ્યારે તે 15 વર્ષની હતી ત્યારે તેણે પહેલીવાર આ યૌન શોષણ સામે અવાજ ઉઠાવ્યો હતો. તેણીએ કહ્યું, "નાના બાળક તરીકે મારો આત્મવિશ્વાસ ડગમગી ગયો હતો અને જ્યારે હું 15 વર્ષની થઈ ત્યારે જ હું વિરોધ કરી શકી હતી. પરંતુ એક વાત સ્પષ્ટ છે કે એક મહિલા તરીકે જો આપણે આપણા ઘરના પુરૂષો સામે ઊભા રહીએ તો બતાવી શકીએ. ઊભા રહેવાની હિંમત હોય તો આ દુનિયામાં કોઈપણ મુશ્કેલીનો સરળતાથી સામનો કરી શકીએ છીએ.''
ખુશ્બૂ 2010માં રાજકારણમાં જોડાઈ હતી.
ખુશ્બૂએ પોતાની કારકિર્દીની શરૂઆત બોલિવૂડ ફિલ્મ 'ધ બર્નિંગ ટ્રેન'થી કરી હતી, જેમાં તે બાળ કલાકાર તરીકે જોવા મળી હતી. સમયની સાથે તે સાઉથ સિનેમાનો જાણીતો ચહેરો બની ગઈ. જોકે, તેઓ 2010માં રાજકારણમાં જોડાઈ હતી. પહેલા તે ડીએમકેમાં જોડાઈ અને પાર્ટીમાં 4 વર્ષ પછી તે ભારતીય રાષ્ટ્રીય કોંગ્રેસમાં જોડાઈ. લગભગ 6 વર્ષમાં પાર્ટી છોડીને તે ભાજપમાં જોડાઈ ગઈ હતી.