સુરતના ચોક બજાર વિસ્તારમાં પિતા એ જ પુત્રની હત્યા કરી હોવાની ઘટના સામે આવી છે
સુરતમાં પિતાએ જ કરી પુત્રની હત્યા
ગળું દબાવીને હત્યા કર્યા બાદ મૃતદેહને લટકાવી દીધી
પિતા દ્વારા હત્યાને આત્મહત્યામાં ખપાવાનો પ્રયાસ
સુરતમાં ક્રાઈમ રેટમાં વધારો થઈ રહ્યો છે, હત્યા અને દુષ્કર્મ, અપહણ કેસ સામે આવી રહ્યા છે, ત્યારે સુરતના ચોક બજાર વિસ્તારમાં પિતા એ જ પુત્રની હત્યા કરી હોવાની ઘટના સામે આવી છે. પિતાએ ગળે ટૂંપો દઈ પુત્રને મોતને ઘાટ ઉતારી દીધા બાદ તેને આત્મહત્યાના ખપાવવાનો પ્રયાસ કર્યો હતો, હત્યા બાદ પિતાએ પુત્રના મૃતદેહને પંખે લટકાવી દીધો હતો.
પિતાનએ કરી પુત્રને નિર્મમ હત્યા
જો કે સમગ્ર મામલે પોલીસ કાર્યવાહીમાં પિતાની કરતૂતમાં પર્દાફાશ થયો છે, પોલીસે મૃતકને પીએમ અર્થે ખસેડીને તપાસ કાર્યવાહી હાથ ધરી હતી જો કે પીએમ રિપોર્ટમાં આત્મહત્યાને કારણે નહીં પરતું ગળુ દબાવીને હત્યા કરાઈ હોવાનું સામે આવતા પોલીસે પિતાની ઉલટ તપાસ હાથ ધરી જેમાં ચોંકાવનારો ખુલાસો સામે આવ્યો હતો, અંતે પિતાએ જ ખુદ કબુલ્યું હતું કે ગળું દબાવીને હત્યા કરી દીધા બાદ પુત્રને પંખે લટકાવી દીધો હતો. હાલ તો પોલીસે આરોપી પિતાની ધરપકડ કરીને આગળની કાર્યવાહી હાથ ધરી છે.
ગળું દબાવીને હત્યા કર્યા બાદ મૃતદેહને લટકાવી દીધો
સુરતમાં હત્યા, આત્મહત્યા, દુષ્કર્મની ઘટનાઓમાં વધારો થયો છે. દિવસે દિવસે ક્રાઈમની ઘટના વધતા પોલીસની કામગીરી સામે અનેક સવાલો ઉઠી રહ્યા છે, ગુનેગારોમાં પોલીસનો અને કાયદાનો કોઈ ભય જ ન રહ્યો હોય તેમ બેફામ ગુનાઓને અંજામ આપી રહ્યા છે, અગાઉ પણ ક્રાઈમના અનેક કિસ્સાઓ સામે આવ્યા છે.
સુરતના સચિન વિસ્તારમાં દુષ્કર્મની ઘટના
આજે સચિન વિસ્તારમાં દુષ્કર્મની ઘટના સામે આવી જેમાં 4 વર્ષની બાળકીનું અપહરણ કર્યા બાદ યુવકે તેની સાથે દુષ્કર્મ ગુજાર્યું હતું બાદમાં બાળકીને ઝાડીમાં ફેંકી ફરાર થઈ ગયો હતો, પરિવારજનોએ બાળકી ગુમ થયાની ફરિયાદ નોંધાયા બાદ પોલીસ દ્વારા બાળકીને શોધવા માટે ચક્રોગતિમાન કર્યો હતા જેમાં ક્રાઈમ બ્રાન્ચે 10 ટીમો બનાવી બાળકોની શોધખોળ હાથ ધરી, આખરે 5 કલાક બાદ બાળકી ઝાડીમાં ફેંકી દીધેલ હાલતમાં મળી આવી હતી જે બાદ પોલીસે મેડિકલ તપાસ માટે બાળકીને મોકલી આપી હતી જેમાં સમગ્ર મામલો સામે આવ્યો હતો પોલીસે સીસીટીવીના આધારે આરોપીને શોધવા ચક્રોગતિમાન કર્યો છે.