વિકાસની હરણફાળની વાતો કરતા ગુજરાતમાં બાળકીઓ ઉપર દુષ્કર્મની ઘટનાઓ વધી રહી છે. વડોદરા, રાજકોટમાં સામૂહિક દુષ્કર્મના કિસ્સા હજુ સળગી રહ્યા છે ત્યારે સુરતમાં સાવકા પિતા દ્વારા દીકરી સાથે વારંવાર દુષ્કર્મની ઘટનાને કારણે ગુજરાતમાં મહિલાઓ અને બાળકીઓની સુરક્ષા ઉપર એકવાર ફરી સવાલો ઉઠી રહ્યા છે. જે પિતાએ પુત્રીની રક્ષા કરવાની હોય તે જ પિતા જ્યારે દીકરી ઉપર દુષ્કર્મ કરે ત્યારે એવી દીકરીનું કોણ?
11 વર્ષની બાળકી પર આચર્યું દુષ્કર્મ
પુત્ર અચાનક ઘરે આવી જતા પિતા ઝડપાયો
અનેક વખત દુષ્કર્મ આચર્યું હોવાની પિતાની કબૂલાત
સલાબતપુરા પોલીસે તપાસ શરૂ કરી
મહિલાઓ કે બાળકો સાથે થતા દુષ્કર્મ કે છેડતી મોટે ભાગે જાણીતા લોકો દ્વારા જ કરવામાં આવતા હોવાનું ગુનાહિત પ્રવૃત્તિના આંકડાઓ કરે છે ત્યારે સુરતમાં સાવકા પિતા દ્વારા દીકરી ઉપર દુષ્કર્મનો બનાવ સામે આવ્યો છે. જયારે રક્ષક જ ભક્ષક બને ત્યારે દીકરીઓનું કોણ તે પણ એક મોટો પ્રશ્ન છે. પિતા દ્વારા જ પુત્રી સાથે થઈ રહેલા પાપનો ભાંડો પુત્રએ જ ફોડી નાંખ્યો હતો.
પિતા રંગે હાથ ઝડપાઈ જતા બહાર આવ્યો ગુનો
સુરતમાં સાવકા પિતાએ દિકરી પર દૂષ્કર્મ આચરવાની ઘટના સામે આવી છે. પિતાએ જ દીકરી પર દૂષ્કર્મ આચરતા રંગે હાથે ઝડપાઈ ગયા હતા.
પુત્ર જોઈ જતા પિતા પકડાઈ ગયો
11 વર્ષની બાળકી પર વારંવાર દુષ્કર્મ આચરવામાં આવતુ હતુ. પરંતુ પિતાએ આપેલી દાટીના કારણે બાળકી પોતાની સાથે થઈ રહેલા ગુના અંગે કોઈને કંઈ કહી શકતી નહતી પરંતુ જ્યારે પુત્ર અચાનક ઘરે આવ્યો ત્યારે પિતા રંગે હાથ ઝડપાી ગયા હતા.
એક વાત નહી અનેકવાર પુત્રી પર ગુજાર્યુ દુષ્કર્મ
જ્યારે પિતાની પોલ ખુલી ગઈ ત્યારે આ આખો મામલો પોલીસ સ્ટેશન પહોંચ્યો હતો જેમાં અનેક વખત દૂષ્કર્મ આચર્યું હોવાની પિતાએ કબૂલાત કરી છે. તો પોલીસે વધુ તપાસ હાથ ધરી છે. સલાબતપુરા પોલીસે તપાસ શરૂ કરી.