સાચવજો / ગુજરાતનાં આ શહેરમાં ચીનથી આવેલ આખો પરિવાર કોરોનામાં સપડાયો: જાણો અત્યાર સુધી કેટલા કેસ છે એક્ટિવ

• ભાવનગરમાં ચીનથી આવેલા પિતા-પુત્ર કોરોના પોઝિટિવ
• પિતા-પુત્ર બાદ માતા પણ કોરોના પોઝિટિવ
• કોરોના પોઝિટિવ 3 દર્દી સારવાર હેઠળ

ચીનમાં કોરોનાને લઈને વિકટ સ્થિતિનું નિર્માણ થયું છે. કોરોના સંક્રમણ અને કોરોનાથી થતા મોતનો આંકડો વધી રહ્યો છે. કોરોનાને લઈ ગુજરાતમાં તંત્ર એલર્ટ થઈ ગયું છે. કોરોનાની તૈયારીના ભાગ રૂપે ગઈ કાલે રાજ્યની વિવિધ હોસ્પિટલોમાં મોકડ્રિલ યોજાઈ હતી અને વિવિધ મેડિકલ સામગ્રીની તપાસણી કરવામાં આવી હતી. ભાવનગરમાં ચીનથી આવેલો પરિવાર કોરોના પોઝિટિવ આવ્યો છે.

ભાવનગરમાં ચીનથી આવેલા પિતા-પુત્ર કોરોના પોઝિટિવ
કોરોનાના ખતરા વચ્ચે ભાવનગરમાં ચીનથી આવેલો પરિવાર કોરોના પોઝિટિવ આવ્યો છે. પિતા-પુત્ર બાદ માતાનો રિપોર્ટ પણ આવ્યો કોરોના પોઝિટિવ આવ્યો છે. હાલ ભાવનગરમાં કોરોના પોઝિટિવ 3 દર્દી સારવાર હેઠળ છે.

રાજ્યમાં ગઈકાલે કોરોનાના 3 કેસ નોંધાયા
રાજ્યમાં ગઈકાલે કોરોનાના 3 કેસ નોંધાયા છે ગાંધીનગરમાં 1 કેસ, સુરતમાં 1 અને વડોદરામાં 1 વ્યક્તિ કોરોનાની ઝપટે ચડ્યા હોવાનું સામે આવ્યું છે. બીજી બાજુ ગઈકાલે રાજ્યના 30 જિલ્લાઓમાં એક પણ કોરોનાનો કેસ નોંધાયો નથી. જોકે આજે ભાવનગરમાં 3 કેસ આવ્યા છે.  રાજ્યમાં કોરોનાના કુલ 39 એક્ટિવ કેસો છે. જેમાં તમામ દર્દીઓ સ્ટેબલ હોવાનું જાણવા મળી રહ્યું છે. ઉપરાંત છેલ્લા 24 કલાકમાં 6,970 લોકોએ કોરોના પ્રતિરોધક વેક્સિન લીધી હોવાનું પણ સામે આવ્યું છે.

કોરોનાથી સજા થવાનો દર 99.13 ટકા
વિશ્વમાં કોરોનાના વધતા કહેર વચ્ચે ગુજરાતમાં  કોરોનાથી સજા થવાનો દર 99.13 ટકા છે. અત્યાર સુધીમાં 12,66,469 દર્દીઓએ કોરોનાને મ્હાત આપી છે. જોકે ચીન સહિતના દેશોમાં વકરી રહેલી કોરોનાની ઉપાધિ સામે ગુજરાતમાં સિંગલ ડિઝીટમાં કોરોનાના પોઝીટીવ કેસ નોંધાવાએ સારા સમાચાર સમાન છે પરંતું હાલની સ્થિતિએ સાવચેતી રાખવી ખૂબ જ અગત્યની છે.