જીવનમાં સફળતા મેળવવા માટે સમય અને ઉમર કાંઈ માઈને નથી રાખતા. બસ આત્મવિશ્વાસ હોવો જોઈએ. મન મક્કમ હોવું જોઈએ. આવો જ એક કિસ્સો મોરબીના ટંકારામાં સામે આવ્યો છે. જ્યાં 12માં ધોરણની પરીક્ષા એક પુત્રની સાથે-સાથે તેના પિતા પણ આપી રહ્યા છે. કાંઈક અજીબ લાગ્યું હશે. પરંતુ આ હકીકત છે.
બાપ-બેટાની બોર્ડની પરીક્ષા
20 વર્ષે ફરી હિંમત જાગી
દીકરા સાથે ખુદ કરી મહેનત આપી રહ્યા છે પરીક્ષા
સમય સાથે જે છુટી ગયું તે હંમેશ માટે છુટી જતું હોય છે. પછી કોઈપણ વ્યક્તિ તે દીશામાં ભાગ્યે જ પાછો ફરતો હોય છે.. પરંતુ મોરબીના ટંકારાનો આ કિસ્સો આજે એક ખુબ મોટી પ્રેરણા છે. કારણ કો, એક તરફ પિતા છે. તો બીજી તરફ પુત્ર. અને આ બંને આજે એક સાથે 12 ધોરણની પરીક્ષા આપી રહ્યા છે.
દીકરા સાથે પિતા આપી રહ્યા છે બોર્ડની પરીક્ષા
આ કોઈ મજાક નથી પરંતુ હકિકત છે. હાલ બોર્ડની પરીક્ષાઓ ચાલી રહી છે. ત્યારે ટંકારાના વેપારી મહેશભાઈ 42 વર્ષની ઉમરે 12માં ધોરણની પરીક્ષા આપવા માટે નિકળ્યા છે અને તે પણ પોતાના પુત્ર રાહુલ સાથે. કારણ કે, પુત્ર રાહુલ પણ 12માં ધોરણમાં જ છે. જોકે આ રીતે પિતા-પુત્ર એક સાથે પરીક્ષા આપવા માટે નિકળે તે લોકો માટે કાંઈક નવાઈની વાત છે.
42 વર્ષની ઉમરે 12માં ધોરણની પરીક્ષા આપવા બેઠા
મહેશભાઈને ખુદને તો 12મું ધોરણ પાસ કરવાની ઈચ્છા જાગી જ.પરંતુ તેની સાથે-સાથે દીકરીનો પણ આત્મવિશ્વાસ વધે તે માટે તેણે ખુદ દીકરા સાથે મહેનત કરવાનું શરૂ કર્યું. તેની સાથે તૈયારીઓ કરી અને હાલ પરીક્ષા પણ આપી રહ્યા છે. જોકે પોતાના પિતા આ રીતે પરીક્ષા આપશે તેવું રાહુલે ક્યારેય વિચાર્યું પણ નહીં હોય.
1994માં નાપાસ થયા બાદ ભણવાનું છોડ્યું
મહત્વું છે કે, 1994માં નાપાસ થયા બાદ ભણવાનું છોડી દેવું અને હવે 2020માં ફરી 12માં ધોરણની પરીક્ષા આપવી ખુબ નવાઈની વાત છે. પરંતુ મહેશભાઈનો આ પ્રયાસ અનેક લોકો માટે પ્રેરણા બન્યો છે.
મહેશભાઈના આત્મવિશ્વાસે તો તેમને અત્યારથી જ પાસ કરી દીધા છે. અને અમે પણ આશા રાખીએ કો, તેઓ સારા માર્ક્સ સાથે પાસ થાય. પરંતુ તેમના મતે તો આટલા વર્ષે પરીક્ષા આપવી તે જ સૌથી મોટી સફળતા છે.