સુરત: લાંચ લેતા મહિલા કોર્પોરેટરના પિતા અને ભાઈ આવ્યા ACBના સકંજામા

સુરતમાં 55 હજારની લાંચ લેતા મહિલા કોર્પોરેટરના પિતા અને ભાઈ ACBના સકંજામાં આવી ગયા છે. $ 55 હજારની લાંચ લેતા રંગેહાથ ACBએ ઝડપ્યા છે. આરોપી મોહન સુમરા અને વીકી સુમરાની ધરપકડ કરાઈ છે. બાંધકામ સાઈટ ઉપર હેરાન ન કરવા બાબતે લાંચિયાઓએ 75 હજારની લાંચ માંગી હતી. જેમાં 20 હજાર રૂપિયા પહેલા લેવામાં આવ્યા હતા. 

મળતી માહિતી પ્રમાણે સુરતના સૈયદપુરામાં આવેલી લેખડીયા શેરીના રાજવીર કોમ્પ્લેક્ષમાં મોહનભઆઇ જેઠાભાઇ સુમરા અને સુરતના પ્રમાણી મંદિરની સામે વરિયાવી બઝારમાં પોસ્ટઓફિસની ઉપર બીજા માળે પ્રિન્સ ઉર્ફે વીકી મોહનભાઇ સુમરા રહે છે. આ બંને  કોર્પોરેટર નેન્સી સુમરાના પિતા અને ભાઇ છે. તેમણે બાંધકામ સાઇટ ઉપર હેરાનગતિ નહીં કરવા કોર્પોરેટર વતી ફરિયાદી પાસે રૂ. 75 000ની માંગણી કરી હતી. જે પૈકી રૂ. 20 000 બંને આરોપીઓએ અગાઉ લઇ લીધા હતા.

જોકે બાકીના રૂ 55 000નો વાયદો કરતા ફરિયાદીએ સાઇટ ઉપર ACBમા ફરીયાદ કરતા ACBએ છટકું ગોઠવતા બંને આરોપીઓ રૂ.55 000 સ્વીકારી પકડાઇ ગયા હતા.