આતંકીઓને શરણ આપનારા પાકિસ્તાન પર આજે પેરિસમાં મળનારી FATFની બેઠકમાં તેને બ્લેકલિસ્ટ કરવાને મુદ્દે નિર્ણય લેવાઈ શકે છે. કાશ્મીર પર દુષ્પ્રચાર કરનારા પાકિસ્તાનના આંતકીઓને રૂપિયા આપીને મની લોન્ડ્રિંગ રોકવામાં તે અસફળ સાબિત થયું છે. આ સમયે PM ઈમરાન ખાનને આશા છે કે તુર્કી, ચીન અને મલેશિયા તેમને મદદ કરશે.
આજે પેરિસમાં યોજાશે FATFની બેઠક
હાલમાં FATFની અધ્યક્ષતા ચીન પાસે છે
પાકિસ્તાનને બ્લેકલિસ્ટ કરવાનો નિર્ણય આજે લેવાશે
પાકિસ્તાનનું મિત્ર હોવાથી ચીન પાસે આશા રાખે છે ઈમરાન ખાન
FATFની બેઠકમાં પાકિસ્તાનને બ્લેકલિસ્ટ થવાની બચાવવા માટે 3 વોટ ચીન, તુર્કી અને મલેશિયાથી મળી શકે છે.
પાકિસ્તાનને બ્લેક લિસ્ટ કરવાનો લેવાશે નિર્ણય
FATFની અધ્યક્ષતા હાલમાં તીન પાસે છે જેને પાકિસ્તાનના મિત્ર તરીકે ગણવામાં આવે છે. મળતી માહિતી અનુસાર શી જિનપિંગ અને પીએમ મોદીની અનૌપચારિક શિખર વાર્તા ટેરર ફાઈનાન્સિંગ પર કેન્દ્રિત થયા બાદ સૌની નજર ચીન પર છે. આ સમયે જોવાનું રહે છે કે આજે FATFની બેઠકમાં પાકિસ્તાનને બ્લેક લિસ્ટ કરવા માટે શું નિર્ણય લેવાઈ રહ્યો છે.
પાકિસ્તાનને આ દેશો પાસેથી છે મદદની આશા
ઉલ્લેખનીય છે કે 27 પોઈન્ટના એક્શન પ્લાનમાંથી ફક્ત 6 પર પાકિસ્તાન ખરું ઉતર્યું છે. શક્ય છે કે આ બેઠકમાં પાકિસ્તાનને બ્લેક લિસ્ટ કરવામાં આવે. પાકિસ્તાને પોતાને બ્લેકલિસ્ટ થતાં બચાવવા માટે દુનિયાના અનેક દેશો પાસે મદદ માંગી છે. પીએમ ઈમરાન ખાનને આશા છે કે તુર્કી, ચીન અને મલેશિયા તેમને મદદ કરશે.
27 પોઈન્ટના એક્શન પ્લાનની થશે તપાસ
તમને જણાવી દઈએ કે FATF દ્વારા જૂન 2018માં પાકિસ્તાનને ગ્રે લિસ્ટમાં મૂકવામાં આવ્યો હતો અને તેને એક વર્ષનો સમય આપવામાં આવ્યો હતો. જેમાં 27 પોઇન્ટનો એક્શન પ્લાન આપવામાં આવ્યો હતો. જેમાં આતંકવાદી સંગઠનોને બેંકિંગ અને નોન-બેંકિંગ, કોર્પોરેટ અને નોન-કોર્પોરેટ ક્ષેત્રમાંથી નાણાંની લોન્ડ્રિંગ અને આતંકવાદી ધિરાણ અટકાવવાનાં પગલાં લેવામાં આવ્યાં હતાં. સૂત્રોએ જણાવ્યું છે કે પાકિસ્તાનના સિક્યોરિટીઝ એન્ડ એક્સચેંજ કમિશન દ્વારા તૈયાર કરાયેલા કમ્પ્લાયન્સ રિપોર્ટની તપાસ પાકિસ્તાનના આર્થિક બાબતોના પ્રધાન હમ્મદ અઝહર સમક્ષ કરવામાં આવશે.
Testing time for Pakistan as FATF meets to scrutinise compliance report
FATFના આધારે પાકિસ્તાનના કહેવા પ્રમાણે જો પાકિસ્તાન 27 મુદ્દાની યોજનાને અમલમાં મૂકવામાં નિષ્ફળ જશે તો દેશને બ્લેક લિસ્ટ કરવામાં આવશે. પ્રારંભિક લક્ષણો યોગ્ય દેખાતા નહોતા. ઓગસ્ટ 2019માં એશિયા પેસિફિક સંયુક્ત ગ્રૂપે પાકિસ્તાનને નિષ્ફળળ ગણ્યું હતું. પાકિસ્તાનના મીડિયા અહેવાલોમાં દાવો કરવામાં આવ્યો છે કે દેશ બ્લેક લિસ્ટ થવાનું ટાળશે. પાકિસ્તાની સૂત્રો દ્વારા અહેવાલો ટાંકવામાં આવી રહ્યા છે કે ગયા મહિને બેંગકોકમાં યોજાયેલા એશિયા પેસિફિક સંયુક્ત જૂથની સંપૂર્ણ સમીક્ષા કરવામાં આવી છે.
27માંથી 6 પોઈન્ટ પર પૂરો કર્યો છે એક્શન પ્લાન
જોકે, ભારતીય અહેવાલો કહે છે કે પાકિસ્તાન બેંગકોક બેઠકને લઈને ભારે તણાવમાં છે. આ મીટિંગમાં પાકિસ્તાને 27 પોઇન્ટમાંથી માત્ર 6 પોઇન્ટ એક્શન પ્લાન પૂરો કરી શક્યું હતું. આવી સ્થિતિમાં પાકિસ્તાન પર બ્લેક લિસ્ટ થવાનું જોખમ વધી ગયું છે. 40માંથી 10 પોઇન્ટમાં પણ પાકિસ્તાન સંતોષકારક હોવાનું જણાયું હતું. પાકિસ્તાન અન્ય 30 પોઈન્ટમાં શૂન્ય હતું, જ્યારે પાકિસ્તાને 10 મહત્વપૂર્ણ પરિમાણો પર પણ 'નીચું' સ્થાન મેળવ્યું હતું.
આ દેશો પાસેથી મદદની અપેક્ષા રાખે છે પાકિસ્તાન
તાજેતરમાં પાકિસ્તાને વિશ્વના અનેક દેશોને મળીને કાશ્મીર મુદ્દે ખોટી વાતો ફેલાવી છે. તેમના નેતાઓ પણ FATF પર સમર્થન એકત્રિત કરવામાં રોકાયેલા છે. પાકિસ્તાને લગભગ તમામ સદસ્ય દેશોનો સંપર્ક કર્યો હતો અને તેને બ્લેક લિસ્ટ નહીં કરવાની વિનંતી કરી હતી. હકીકતમાં, જો પાકિસ્તાન બ્લેક લિસ્ટમાં જાય તો પહેલેથી જ ખરાબ અર્થવ્યવસ્થા સંપૂર્ણ નાશ પામશે. પાકિસ્તાનને તુર્કી, મલેશિયા અને ચીન પાસેથી મદદની અપેક્ષા છે. સંયુક્ત રાષ્ટ્રમાં ઇસ્લામોફોબીયા વિશે વાત કરતા પાકિસ્તાનના વડા પ્રધાન ઇમરાન ખાને મુસ્લિમ દેશોની લાગણી મેળવવાનો પ્રયાસ કર્યો હતો.