ખતરો / ભારતીય બાળકોમાં હવે જોવા મળી રહ્યો છે કોરોના સાથે જોડાયેલો આ જીવલેણ વાયરસ, જાણી લો લક્ષણો

• ભારતીય બાળકોમાં ફેલાયો જીવલેણ વાયરસ
• MIS-C નામનો વાયરસ બાળકો માટે જોખમી
• આવા લક્ષણો જણાય તો તરત જ કરાવો તપાસ

સ્વાસ્થ્ય મંત્રાલય અનુસાર ભારતમાં 22 ઓગસ્ટ સુધી કોરોનાથી થયેલા મોતમાં 20 વર્ષથી નાની ઉંમરના યુવાઓ અને બાળકોની સંખ્યા 1.22 ટકા છે. એવામાં MIS-C  ભારતમાં હજુ પણ સીમિત રહ્યો છે. MIS-C માં દર્દીને તાવ, શરીરના અંગો સારી રીતે કામ ન કરવા, અંગોમાં વધારે સોજા દેખાવવા જેવી બીમારી જોવા મળી રહી છે. કાવાસાકીના લક્ષણો પણ બાળકોમાં વધારે જોવા મળે છે. તેમાં ધમનીઓમાં સોજા આવવા, કાર્ડિયોવાસ્ક્યુલર શોક અને અનેક અંગ ખરાબ થવા જેવી સ્થિતિ પણ સામેલ છે. 

આ કારણે ફેલાય છે બીમારી

જર્નલ સેલમાં છપાયેલી શોધના આધારે MIS-C અને કાવાસાકી બીમારીમાં ધમનીઓમાં થનારા નુકસાનથી જોડાયેલા થતા સોજા અને અન્ય લક્ષણો થોડા અલગ હોય છે. સ્વીડન અને ઈટલીના શોધકર્તાઓએ શોધમાં સ્વાસ્થ બાળકોમાં પ્રતિરક્ષા કોશિકાઓ, સાઈટોકાઈન અને ઓટો એન્ટીબોડીના તંત્રનું વિશ્લેષણ કરાયું છે. તેમાં કોરોના પહેલા કાવાસાકી બીમારીથી ગ્રસ્ત બાળકો, કોરોના વાયરસથી ગ્રસિત બાળકો અને MIS-C થી ગ્રસ્ત બાળકોમાં જોવા મળ્યું કે તેમાં મલ્ટીપલ ઓટોએન્ટીબોડીઝના કારણે MIS-C  ફેલાય છે.  

આવા છે MIS-C ના લક્ષણો

શોધમાં જાણવા મળ્યું છે કે બંને બીમારીમાં તાવ, કન્જક્ટીવાઈટિસ, પગમાં સોજા, ગળામાં સોજા અને રેશિઝ જોવા મળે છે. જ્યારે MIS-C માં માથું દુઃખવું, પેટમાં દર્દ, ઉલ્ટી અને ગળામાં ખારાશ અને ખાંસી થવી સામાન્ય છે.