ફાસ્ટેગ દ્વારા ટોલ વસૂલાતમાં ઘણો વધારો થયો છે અને કેશ કલેક્શનથી વસૂલાત આગળ નીકળી ગઇ છે. નેશનલ હાઇવે ઓથોરિટી ઓફ ઇન્ડિયા (એનએચએઆઇ) ના ડેટા અનુસાર ફાસ્ટેગ હેઠળ સરેરાશ વસૂલાત ૬૬ ટકા સુધી પહોંચી ગઇ છે.
ફાસ્ટેગ દ્વારા ટોલ વસૂલાતમાં ઘણો વધારો થયો છે
હાઇવે મંત્રાલયના રિપોર્ટ અનુસાર અત્યાર સુધી ૧.૦૪ કરોડ ફાસ્ટેગનું વેચાણ થઇ ચૂક્યું છે
એનએચએઆઇના ડેટા અનુસાર ફાસ્ટેગ હેઠળ સરેરાશ વસૂલાત ૬૬ ટકા સુધી પહોંચી ગઇ છે
૧૭-૨૩ નવેમ્બર દરમિયાન ફાસ્ટેગ દ્વારા એનએચએઆઇએ રૂ.૨૬.૪ કરોડની વસૂલાત કરી હતી, જ્યારે ૧૫-૨૧ ડિસેમ્બર વચ્ચે ફાસ્ટેગથી કુલ વસૂલાત રૂ.૪૪ કરોડ રહી હતી. ફાસ્ટેગના પગલે કેશ કલેક્શનમાં ૩૦ ટકાનો ઘટાડો થયો છે. અગાઉ રોજ કેશ કલેક્શન રૂ.૫૧ કરોડ જેટલું હતું, જે હવે ઘટીને રૂ. ૩૫.૫ કરોડ પર આવી ગયું છે.
એનએચએઆઇના ડેટા અનુસાર ફાસ્ટેગ હેઠળ સરેરાશ વસૂલાત ૬૬ ટકા સુધી પહોંચી ગઇ છે
હાઇવે મંત્રાલયના રિપોર્ટ અનુસાર અત્યાર સુધી ૧.૦૪ કરોડ ફાસ્ટેગનું વેચાણ થઇ ચૂક્યું છે અને રોજ એક લાખ નવા ફાસ્ટેગ વેચાઇ રહ્યા છે. સત્તાવાર ડેટા અનુસાર ફાસ્ટેગના અમલમાં ઘણી ઝડપ આવી છે. ૧૬ ડિસેમ્બરે દરરોજ ૧૯.૫૦ લાખ ફાસ્ટેગનો ઉપયોગ થયો હતો, જે હવે વધીને ૨૪ ડિસેમ્બરે ૨૪.૭૮ લાખ પર પહોંચી ગયો છે. ફાસ્ટેગને સૌપ્રથમ ૨૦૧૪માં લોન્ચ કરાયું હતું. આ એક આરએફઆઇડી આધારિત ટેગ છે, જેને બેન્ક ખાતા સાથે લિન્ક કરવામાં આવે છે. સરકારનું લક્ષ્ય ૧૦૦ ટકા ઈલેક્ટ્રોનિક ટોલ કલેક્શન છે.