કેબિનેટ મિનિસ્ટર જયેશ રાદડિયાના ગામમાં મહિલાઓ રણચંડી બનીને 3 દિવસથી પ્રતીક ઉપવાસ ઉપર બેઠી છે, આ સાથે જયેશ રાદડિયા હાય હાયના નારા બોલાવ્યા હતાં. ઘણાવર્ષોથી તેમના વિસ્તારમાં કોઈ કામ કાજ નહીં થયા હોવાથી મહિલાઓ આંદોલનના માર્ગે છે.
રાજકોટ જિલ્લાના જામકંડોરણાના અંજલી રોડ વિસ્તારમાં છેલ્લા ઘણા સમયથી વિકાસના નામે મીંડું છે, આ વિસ્તાર જાણે જામકંડોરણામાં ન હોય તેવું વર્તન થઈ રહ્યું છે.
અહીં આપવામાં આવતું પીવાનું પાણી અપૂરતુંને ફિલ્ટર કર્યા વગરનું આવે છે. ભૂગર્ભ ગટરનું કામ થયેલુ છે તે પણ લોલમ લોલ છે, છેલ્લા 6થી 7 મહિના પહેલા રોડ ખોદી નાખવામાં આવ્યા છે.
આમ છતાં હજુ સુધી રોડ બન્યો નથી જ્યારે સફાય બાબતે તો અહીં કોઈ વ્યવસ્થા જ નથી, આ બધી પરિસ્થિતિને લઈને અહીંની મહિલાઓ રણચંડી બનીને તાલુકા પંચાયતની સામે 3 દિવસના ઉપવાસ ઉપર બેઠી છે.
આગેવાનો અને મહિલાઓ દ્વારા અવારનવાર તમામ સ્તરે રજુઆત કરેલ છે. પરંતુ તંત્ર દ્વારા કોઇ જાતના પગલાં લેવામાં ન આવતા મહિલાઓ દ્વારા આંદોલન કરવામાં આવ્યું છે. અહીં ના ધારાસભ્ય અને કેબિનેટ મિનિસ્ટર જયેશ રાદડિયા ઉપર આક્ષેપ કરે છે કે તેવો રાગ-દ્વેશ રાખીને કોઈ કામ થવા દેતા નથી.