IPL 2022ના સમાચારમાં આજકાલ એક જ નામ સંભળાઈ રહ્યું છે. આ નામ ભારતીય યુવા બોલર ઉમરાન મલિક છે. ઉમરાનની બોલ નાખવાની સ્પીડે તેને આખી દુનિયાનો દીવાનો બનાવી દીધો છે.
IPL 2022માં ભારતીય યુવા ફાસ્ટ બોલર ઉમરાન મલિકનુ આક્રમક પ્રદર્શન
ઉમરાન પાસે સતત 150Kmphની ઉપરની સ્પીડથી બોલિંગ કરવાની કલા
આઈપીએલ 2022ની તેની 8 મેચમાં ખેલાડીએ 15 વિકેટ લીધી છે
કાશ્મીરના ફાસ્ટ બોલરની કલા
કાશ્મીરનો આ યુવા બોલર ભારતનુ ભવિષ્ય મનાઈ રહ્યું છે અને આગામી સમયમાં તાત્કાલિક ઉમરાનને ભારતીય ટીમમાં કમાલ કરતો જોવા મળશે. કાશ્મીરના ફાસ્ટ બોલર ઉમરાન હાલના સમયમાં વિશ્વનો સૌથી ખતરનાક ફાસ્ટ બોલરમાંથી એક છે. ઉમરાનની પાસે સતત 150Kmphની ઉપરની સ્પીડથી બોલિંગ કરવાની કલા છે. આઈપીએલ 2022ની તેની 8 મેચમાં આ ખેલાડી 15 વિકેટ લઇ ચૂક્યો છે અને હાલના સમયમાં પર્પલ કેપ લિસ્ટમાં યુઝવેન્દ્ર ચહલ બાદ બીજા નંબરે છે. ઉમરાન જેવો બોલર વર્ષમાં એક વખત જોવા મળે છે અને દેશની પાસે આટલી બધી સ્પીડથી બોલિંગ કરનારા ખૂબ જ ઓછા બોલર છે.
આશ્ચર્યની વાત એ છે કે આ ખેલાડીને અત્યાર સુધી ડેબ્યુની તક મળી નથી. પસંદગીકારોએ IPLમાં ધુંઆધાર પ્રદર્શન બતાવી ચૂકેલા જમ્મુ અને કાશ્મીરના ખતરનાક બોલર ઉમરાન મલિકની દક્ષિણ આફ્રિકા પ્રવાસ માટે ઈન્ડિયા-એ ટીમમાં પસંદગી કરી હતી. પરંતુ દક્ષિણ આફ્રિકા પ્રવાસ માટે તેમને ટીમમાં પસંદ ના કરવામાં આવ્યાં. આઈપીએલમાં મોટા-મોટા બેટ્સમેન આ બોલરને જોઈને હેરાન રહી જાય છે.
પિતાને છે ફળની દુકાન
ઉમરાન મલિકના પિતા આજે પણ ફળની દુકાન ચલાવે છે. ઉમરાનના પિતા અબ્દુલ રશીદે હાલમાં જણાવ્યું હતુ કે તેના પુત્રનુ ધમાકેદાર પ્રદર્શન જોઈને માર્કેટમાં લોકો તેને વધુ માન-સન્માન આપવા લાગ્યા છે. ઉમરાનના પિતા તેના પુત્રને ભારત માટે વર્લ્ડ કપ રમતો જોવા માગે છે. ઉમરાનના પિતાએ જણાવ્યું કે તે બાળપણથી જ તેના ગ્રુપનો સૌથી ફાસ્ટ બોલર હતો અને તે હંમેશાથી એક ઘાતક ફાસ્ટ બોલર બનવા માગતો હતો.