સાવધાન / તમારો FASTags નકલી નથી ને? NHAIએ કહ્યું કે, સાવધાન રહેજો નહીંતર પડી શકે છે મોંઘુ

• ફાસ્ટેગ ધરાવતા લોકો માટે મોટા સમાચાર
• NHAIએ નકલી ફાસ્ટેગ વેચાતા હોવાની આપી જાણકારી 
• https://ihmcl.co.in/ પરથી ફાસ્ટેગ ખરીદવા માટે કરી અપીલ

NHAIએ જણાવ્યું હતું કે કેટલાક છેતરપિંડી કરનારાઓએ ઓનલાઇન નકલી FASTagનું વેચાણ શરૂ કર્યું છે. હકીકતમાં, આ છેતરપિંડી કરનારાઓએ NHAI / IHMCLની જેમ બનાવટી FASTag વેચવાનું શરૂ કર્યું છે. આ FASTags વાસ્તવિક જેવો લાગે છે, પરંતુ તે નકલી હોય છે. આવી સ્થિતિમાં, વપરાશકર્તાઓએ આવી છેતરપિંડી ટાળવાની જરૂર છે.

બનાવટી FASTag માટે અહીં ફરિયાદ કરો

NHAIએ તેના નિવેદનમાં કહ્યું છે કે જો તમે ભૂલથી નકલી ફાસ્ટાગ ખરીદ્યો છે, તો તમે નેશનલ હાઇવે ઓથોરિટીના હેલ્પલાઈન નંબર 1033 પર ફોન કરીને ફરિયાદ કરી શકો છો. જણાવી દઇએ કે સરકારે 15 ફેબ્રુઆરી 2021 થી દેશભરમાં FASTag ફરજિયાત બનાવ્યો છે. જે પછી વાહનોએ ટોલ પ્લાઝા પર ડબલ ડ્યુટી ચૂકવવી પડે છે જે FASTag નથી. સરકારે સ્પષ્ટતા કરી છે કે ડિજિટલ મોડ દ્વારા ફી ચુકવણીને પ્રોત્સાહન આપવા, સમય બચાવવા અને બળતણ વપરાશ ઘટાડવા માટે આ નિર્ણય લેવામાં આવ્યો છે.

ક્યાંથી ખરીદવો FASTag ?

NHAIએ કહ્યું છે કે અસલ FASTag ખરીદવા માટે, તમારે https://ihmcl.co.in/ પર જવું જોઈએ અથવા MyFastag App નો ઉપયોગ કરવો જોઈએ. એનએચએઆઈએ જણાવ્યું હતું કે ગ્રાહકો સૂચિબદ્ધ બેંકો અને અધિકૃત એજન્ટો પાસેથી FAStag ખરીદી શકે છે. IHMCL વેબસાઇટ પર FASTag સાથે સંબંધિત માહિતી પણ આપવામાં આવે છે.