ફાસ્ટેગ / સરકારની મોટી જાહેરાત: 1 જાન્યુઆરી પહેલા આટલું નહીં કરો તો ડબલ ટેક્સ ભરવા તૈયાર રહેજો 

તેમનું કહેવું છે કે મુસાફરો માટે આ ઉપયોગી સુવિધા છે કારણ કે તેમનો કેશ પેમેન્ટ કરવામાં વેડફાતો સમય બચશે અને બળતણ પણ બચશે અને ટોલ પ્લાઝા પર લાંબી કતારમાં રોકાવાની જરૂર નહીં પડે.

ડિજિટલ પેમેન્ટને પ્રોત્સાહન આપવા 1 જાન્યુઆરીથી FASTags ફજિયાત

કેન્દ્રીય માર્ગ પરિવહન અને હાઇવે મંત્રાલયે (MoRTH) ડિજિટલ પેમેન્ટને પ્રોત્સાહન આપવા 1 જાન્યુઆરીથી દરેક વાહનો પર FASTags લગાવવાનું ફરજિયાત બનાવ્યું છે. જો તમે તમારી કાર અથવા મોટા વાહનોને FASTag લીધા વિના 1 જાન્યુઆરીથી નેશનલ હાઇવે ટોલ પ્લાઝા પર પહોંચશો, તો તેની ભારે કિંમત ચૂકવવી પડી શકે છે.

No cash payments on Toll Plazas from 1st Jan, 2021. All toll payments via FASTag only.#NHAI #FASTagLife pic.twitter.com/oJxgVc0hY6

— NHAI (@NHAI_Official) December 21, 2020

ભરવો પડશે બે ગણો ટોલ ટેક્સ 

FASTag વિના જો તમે ટોલ પ્લાઝા પર FASTag લેનમાંથી પસાર થશો તો ડબલ ટોલ ભરવો પડશે. FASTag વગરના વાહનો માટે ટોલ પ્લાઝા પર એક લેન પણ હશે અને તેમાંથી પસાર થવા પર સામાન્ય ટોલ લેવામાં આવશે. FASTag ફક્ત નેશનલ હાઇવે (NH) માટે છે. જો તમે રાજ્ય ધોરીમાર્ગના ટોલમાંથી પસાર થશો, તો તે કામ કરશે નહીં.

શું છે FASTag?

FASTag એ રેડિયો ફ્રીક્વન્સી આઇડેન્ટિફિકેશન (RFID) પર આધારિત એક ટેગ છે જે વાહનની વિન્ડસ્ક્રીન પર લગાવવામાં આવે છે. વાહનો પરનો આ FASTag ઇલેક્ટ્રોનિક રીતે વાંચવામાં આવે છે. જો તમે સરળ ભાષામાં સમજો તો ટોલ પ્લાઝા પરનાં કેમેરા તેને સ્કેન કરી શકશે અને તે રકમ આપમેળે કપાઈ જશે. પછી ટોલ ગેટ ખુલશે અને તેમાં કોઈ સમસ્યા નહીં આવે. આ પ્રક્રિયા થોડીક સેકંડમાં પૂર્ણ થઈ જશે.

FASTagને મોબાઇલની જેમ ઓનલાઇન પેમેન્ટ મોડથી રિચાર્જ કરી શકાય છે. આ સિવાય, FASTagને My FASTag એપ્લિકેશન અથવા નેટ બેંકિંગ દ્વારા પણ રિચાર્જ કરી શકાય છે.