તમારા કામનું / ગાડી પર આજથી ફાસ્ટેગ લગાવવુ ફરજિયાત, જાણો કેવી રીતે કામ કરે છે અને કોને પડશે લાગુ

• ફાસ્ટેગ નહીં હોય તો બે ગણો ચાર્જ
• ફાસ્ટેગ માટે 200 રુપિયા સિક્યોરિટી પેટે નક્કી કરાયા છે
• બેંક સાથે પણ ફાસ્ટેગને જોડી શકશો

ફાસ્ટેગ નહીં હોય તો બે ગણો ચાર્જ આપવો પડશે

આ ટોલ ચાર્જ લેવાનું એક ઈલેક્ટ્રોનિક માધ્યમ છે જે સ્ટીકરનાં રુપમાં હોય છે. જ્યારે તમે ટોલ પ્લાઝાથી પસાર થાઓ છો ત્યારે ફાસ્ટેગ રીડર તમારા ફાસ્ટેગ બારકોડ રીડ કરી લેશે અને બેંક ખાતામાંથી પૈસા કપાશે. જો તમારી ગાડીનો નંબર પ્લેટ સફેદ છે તો ટોલ પ્લાઝાથી પસાર થવા માટે ફાસ્ટેગ જરુરી છે. પ્રાઇવેટ કારને ફાસ્ટેગમાંથી કોઈ છુટ નથી આપવામાં આવી. જો ફાસ્ટેગ નહીં હોય તો બે ગણો ચાર્જ આપવો પડશે.

ટૂ વ્હિલરને કોઈ ટેક્સ નથી લાગતો

દેશમાં પીળી નંબર પ્લેટને કમર્શિયલ વાહનોની લીસ્ટમાં સમાવેશ કરાયો છે. તે પછી ટ્રક હોય કે કેબ ફાસ્ટેગ ફરજિયાત રહેશે. ફાસ્ટેગ ટૂ વ્હિલર્સ માટે ફરજિયાત નથી કરવામાં આવ્યુ. એનએચએઆઈ દ્વારા હાઈવે પર ટૂ વ્હિલર માટે કોઈ ટોલ ટેક્સ નથી રાખવામાં આવ્યો. તે વાહનો માટે ફ્રી લેન પણ રાખવામાં આવે છે.

ફાસ્ટેગને બેંક સાથે પણ જોડી શકશો

સરકારે ફાસ્ટેગની કિંમત 100 રુપિયા નક્કી કરી છે. 200 રુપિયા સિક્યોરિટી દેવી પડે છે અને નવા વાહનોમાં આ લગાવવુ ફરજિયાત છે. જેને તમે બેંક કે ઓનલાઇન પ્લેટફોર્મ પરથી પણ ખરીદી શકો છો. ફાસ્ટેગને તમે તમારા બેંક સાથે પણ જોડી શકો છો. જેથી તેને વારંવાર રિચાર્જ નહીં કરવુ પડે. ટોલ પ્લાઝા પાર કર્યાં બાદ તરત તમારા ખાતામાંથી પૈસા કપાઈ જશે.

ખોવાશે તો પણ સરળતાથી મળી જશે

એક ગાડી માટે ફક્ત એક જ ફાસ્ટેગ ઈશ્યૂ થાય છે. જેમાં રજિસ્ટ્રેશ સર્ટિફિકેટ, ટેગ આઈડી સહિત અન્ય ડોક્યુમેન્ટ્સ પણ આપવાના હોય છે. જો તમારુ ફાસ્ટેગ ખોવાઈ જાય તો તેવી સ્થિતિમાં તમે વાહનની પૂરી માહિતી આપીને તેને ફરીથી શરુ કરી શકો છો.