નિયમ / નેશનલ હાઈવે પર કાર ચલાવવી હોય તો આ વસ્તુનું ધ્યાન રાખજો, નહીંતર આજથી ભરવા પડશે ડબલ રૂપિયા

• આજથી લાગુ કરવામાં આવી Fastag વ્યવસ્થા 
• પ્રાઈવેટ બેંક અને Paytm પરથી પર ફાસ્ટેગ ખરીદી શકાય
• કેશમાં ટોલ ભરશો તો ડબલ રૂપિયા ભરવા પડશે

ફાસ્ટેગથી લાંબી લાઈનોથી મળશે છૂટકારો 

નોંધનીય છે કે આ પદ્ધતિ ટોલ કલેક્શન માટે ટેક્નિક વિકસાવવામાં આવી છે જે નેશનલ ટોલ પ્લાઝા પર ઉપલબ્ધ હશે. આ ટેગને વિન્ડસ્ક્રીન પર લગાવવામાં આવે છે જેથી ટોલ પ્લાઝા પર સેન્સર તેને રીડ કરી શકે છે. જયારે કોઈ ટોલ વાહન ટોલ પ્લાઝાથી પસાર થાય ત્યારે ટોલ ચાર્જ આપોઆપ કપાઈ જાય છે. જેથી વાહનોએ ત્યાં રોકાવું પડતું નથી. એક વાર જાહેર કરવામાં આવેલું ફાસ્ટેગ 5 વર્ષ સુધી ચાલે છે. જેને સમય સમય પર રીચાર્જ કરવું પડે છે. 

ક્યાં મળશે ફાસ્ટેગ 

ફાસ્ટેગ ખરીદવું ખુબ સરળ છે. નવા વાહનો ખરીદતી વખતે ફાસ્ટેગ મળી જાય છે. જ્યારે જુના વાહનો માટે ફાસ્ટેગ લેવું હોય તો નેશનલ હાઈવે પોઈન્ટ ઓફ સેલથી મેળવી શકાય છે. આ સિવાય પ્રાઈવેટ બેંકમાંથી ફાસ્ટેગ મળે છે જેમાં  Axis બેંક, IDFC બેંક, HDFC બેંક, SBI બેંક, ICICI બેંકનો સમાવેશ થાય છે તથા Paytm પરથી પર ફાસ્ટેગ ખરીદી શકાય છે. 

કઈ રીતે કરવો ઉપયોગ 

જો તમે પોઈન્ટ ઓફ સેલથી ફાસ્ટેગ ખરીદવામાં આવે તો ઘણા ડોક્યુમેન્ટ આપવા પડશે. ઓરીજીનલ કોપી પણ સાથે જ રાખવા પડશે જેથી વેરીફાઈ કરાવી શકાય. જેમાં ડ્રાઈવિંગ લાઈસેન્સ, પાસપોર્ટ, વોટર આઈડી આધાર કાર્ડ આપવા પડશે. સૌથી પહેલાં તમારે વિન્ડ સ્ક્રીન પર ફાસ્ટેગ લગાડવું પડશે. ઓનલાઈન વોલેટથી તેને લિંક કરવું પડશે. જયારે ફાસ્ટેગનો ઉપયોગ કરશો પૈસા કપાઈ જવાનો sms પણ આવશે.