સરકાર નીત નવા ગતકડાં લાવે છે. ફાસ્ટેગની વ્યવસ્થા એટલે કરવામાં આવી હતી કે, ટોલટેક્સ પ્લાઝા ઉપર ભીડ ન થાય પણ ટોલટેક્સ પ્લાઝાના ફાસ્ટટેગ સેન્સર જ કામ ન કરતા હોય તો? અમદાવાદ- વડોદરા હાઈવે ઉપર કંઈક આવા જ હાલ હવાલ છે.
અમદાવાદ- વડોદરા એક્સપ્રેસ હાઈવે પર ફાસ્ટેગ નથી કરતા કામ
ફાસ્ટેગ સેન્સર દૂરથી નથી કરતા કામ
ફાસ્ટેગ માટે મેન્યઅલી કરવો પડે છે ઉપયોગ
ટોલ ટેક્સ ભરવા માટે હવે ફાસ્ટેગ ફરજિયાત કરી દેવાયું છે જો કે સરકારે ફાસ્ટેગ કઢાવા માટે 15 જાન્યુઆરી સુધી લોકોને સમય આપ્યો છે. જો કે હવે ફાસ્ટેગને લઇને અમદાવાદ- વડોદરા એક્સપ્રેસ હાઈવે પર સમસ્યા ઉભી થઇ છે.
સેન્સર કામ નથી કરતા
વડોદરા એક્સપ્રેસ હાઈવે પર ફાસ્ટેગ સેન્સર કામ જ નથી કરતા. લોકોએ મોન્યુલી ફાસ્ટેગનો ઉપયોગ કરવો પડે છે. ટોલ ટેક્સ પર લગાવેલા ફાસ્ટેગ સેન્સર શોભાના ગાંઠિયા સમાન છે. સમય બચાવવા અને ટ્રાફિક ઓછો કરવા માટે ફાસ્ટેગ લાગુ કરાયું છે પરંતુ જો આ રીતે લોકોએ મેન્યુઅલી જ ફાસ્ટેગનો ઉપયોગ કરવો પડે તો જૂના અને નવા નિયમોમાં કોઇ ફરક નહીં રહે. લોકોએ વાહનો પર ચઢીને ફાસ્ટેગ સ્કેન કરવા પડી રહ્યાં છે.