ઓફિસથી લઈ લગ્ન સુધી હેર ક્લિપની ફેશન હાલ તુલ પકડી છે. પરંપરાગત ચાંદીની હેરક્લિપ પણ હાલ ટ્રેન્ડમાં છે.
માનૂનીઓની ફેશન હંમેશા બદલાતી રહે છે ત્યારે ફરીથી એક નવો ટ્રેન્ડ શરૂ થયો છે. આજકાલ મહિલાઓ એકથી પણ વધારે ભૂમિકાઓમાં કામ કરી રહી છે ત્યારે લાંબાવાળ ફેશનમાં છે પણ હવે બન કે ચોટલા નહીં વાળને આમ જ વેવ કરીને ખુલ્લા મૂકી દેવાનો ફેશન ટ્રેન્ડ શરૂ થયો છે ત્યારે ભારતીય મહિલાઓમાં જેનું વળગળ આદીકાળથી રહ્યુ છે તે હેર એસેસરિઝ એટલે કે હેર ક્લિપ ફરીથી ફેશનમાં જોવા મળી રહી છે.
ખુલ્લા વાળમાં નાની કળી ઓ
ખુલ્લા વેવી હેરમાં એમ જ હેર ક્લિપ પર ઓરીજનલ અથવા તો કાપડ કે કાગળ કે પ્લાસ્ટીકની નાનકડી કડીઓને રેન્ડમલી લગાવવાનો ટ્રેન્ડ હાલ ઓફિસોમાં ચાલી રહ્યો છે.
નવો એક ટ્રેન્ડ એ પણ જોવા મળી રહ્યો છે કે હવે રેન્ડમલી વાળની બે લટ લઈ અને તેના પર સુંદર મજાની હેરક્લિપ લગાવી દેવામાં આવે છે ઓફિસોથી લઈ લગ્ન પ્રંસગોમાં આ ટ્રેન્ડ હાલ ફેશનમાં છે હોં.
આજ કાલ સ્ટ્રેટ હેર ફેશનમાં નથી પરંતુ વેવી નેચરલ હેરની ટ્રેન્ડમાં છે જેને કંઈ ન કરવું હોય તો એક સિંમ્પલ હેરબેન્ડ લગાવો અને જુઓ કમાલ.
નો પાર્ટીશન
વળી આજકાલ વાળમાં પાર્ટીશન પાડવાની પ્રથા પણ બંધ થઈ ગઈ છે. વાળને ઓળાવી તે જે દિશામાં ઈચ્છે તેમ સેટ કરી દેવામાં આવે છે અને બસ વાળની બે તરફ હેર ક્લિપ લગાવી સિમ્પલ નેચરલ પણ એલિગન્ટ લૂક ક્રિએટ કરવામાં આવે છે.