બોલીવૂડ / Farzi Season 2: ક્યારે રિલીઝ થશે ‘ફર્જી 2’, Shahid Kapoor એ ચાહકોને આપી ખુશખબરી

• અમેઝન પ્રાઈમ પર રિલીઝ થયેલી આ સીરીઝને ઓડિયન્સે ખૂબ જ પંસદ કરી 
• શાહિદ કપૂરનો કિલર લૂક જોઈને લોકો તેના દિવાના બન્યા
• ચાહકો હવે ફર્જીની બીજી સીઝનની રાહ જોઈ રહ્યા છે

શું તમે ફર્જી જોઈ છે. બોલીવૂડ અભિનેતા શાહિદ કપૂરે આ સીરીઝથી ઓટીટીની દુનિયામાં પગ મૂક્યો છે અને તેનું આ ડેબ્યૂ સફળ રહ્યું છે. અમેઝન પ્રાઈમ પર રિલીઝ થયેલી આ સીરીઝને ઓડિયન્સે ખૂબ જ પંસદ કરી છે. શાહિદ કપૂરનો કિલર લૂક જોઈને લોકો તેના દિવાના બન્યા છે. આ સીરીઝ જોઈ ચૂકેલા લોકો હવે ફર્જીની બીજી સીઝનની રાહ જોઈ રહ્યા છે. આવો જોણીએ તેની બીજી સીઝન ક્યારે રિલીઝ થશે.   

રાજ અને ડીકેની એક્શન-થ્રિલર સીરીઝ ફર્જીની પ્રથમ સીઝન ખૂબ જ ધમાકેદાર રહી છે. સ્ટોરીથી લઈને ડાયરેક્શન સુધી બધુ પરફેક્ટ બતાવવામાં આવ્યું છે. એવામાં દર્શકો બીજી સીઝનની આતુરતાથી રાહ જોઈ રહ્યા છે. લોકોના મનમાં સવાલ થઈ રહ્યો છે કે તેની બીજી સીઝન ક્યારે રિલીઝ થશે. હવે અંતે શાહિદ કપૂરે ખુલાસો કર્યો છે કે બીજી સીઝન ક્યારે રિલીઝ થઈ રહી છે. 

ક્યારે રિલીઝ થશે 'ફર્જી 2'
હાલમાં જ શાહિદ કપૂર એક ઈવેન્ટમાં પહોંચ્યો હતો. જ્યારે તેને પૂછવામાં આવ્યું કે તેની વેબ સીરીઝ ફર્જીની બીજી સીઝન ક્યારે રિલીઝ થશે. તેના પર અભિનેતાએ કહ્યું ફર્જી સીઝન 2 જરુર આવશે, પંરતુ તેના માટે સમય લાગશે. દોઢ બે વર્ષ લાગશે, કારણ કે શો ખતમ થયા બાદ એક વર્ષ તેના પોસ્ટ પ્રોડક્શનમાં લાગે છે. તે 35-40 ભાષાઓમાં ડબ કરે છે અને 200 દેશોમાં રિલીઝ કરે છે. જ્યારે શૂટ થશે તો દોઢ બે વર્ષ બાદ રિલીઝ થશે. તો ફર્જી સીઝન 2 રિલીઝ થવામાં પાક્કા દોઢથી બે વર્ષ લાગશે. 

ફર્જીની સ્ટાર કાસ્ટ
ફર્જીની સ્ટોરી નકલી નોટના વેપારની નજીક ફરે છે. શાહિદ કપૂર તેમાં સનીનો રોલ પ્લે કરી રહ્યો છે, જે પોતાના નાનાની બંધ થઈ રહેલા પ્રિન્ટીંગ પ્રેસમાં નકલી નોટનો કારોબાર શરુ કરે છે. શાહિદ કપૂર સિવાય ફિલ્મમાં ભુવન અરોડા, અમોલ પાલેકર, રાશિ ખન્ના, વિજય સેતુપતિ, કેકે મેનન, મનોજ વાજપેયી જેવા સ્ટાર્સ છે.