જમ્મૂ કાશ્મીર / ફારુખ અબ્દુલ્લા વધુ 3 મહીના કસ્ટડીમાં રહેશે, 17 સપ્ટેમ્બરથી છે નજરબંધ

• નેશનલ કોન્ફરન્સના પ્રમુખ ફારુખ અબ્દુલ્લાની કસ્ટડી ત્રણ મહીના માટે વધારવામાં આવી
• ફારુખની વિરુદ્ધ 17 સપ્ટેમ્બરે પબ્લિક સેફ્ટી એક્ટ (PSA) લગાવી દેવાયો હતો
• ફારુખ પર પબ્લિક સેફ્ટી એક્ટના પબ્લિક ઓર્ડર જોગવાઇ હેઠળ કેસ કરાયો છે

નોંધનીય છે કે, જમ્મૂ કાશ્મીરથી આર્ટિકલ 370ની એ જોગવાઇઓને હટાવી દેવામાં આવી છે, જે હેઠળ તેને વિશેષ રાજ્યનો દરજ્જો મળ્યો હતો. તેની સાથે જ તેને બે કેન્દ્ર શાસિત પ્રદેશો જમ્મૂ કાશ્મીર અને લદ્દાખમાં પણ વિભાજીત કરી દેવાયા છે. 

સુપ્રીમ કોર્ટમાં એમડીએમકે નેતા વાઇકોએ અરજી દાખલ કરી આરોપ લગાવ્યો હતો કે ફારુખને ગેરકાયદેસર રીતે કસ્ટડીમાં રાખવામાં આવ્યા છે. તેના કેટલાક કલાકો પહેલા ફારુખની વિરુદ્ધ 17 સપ્ટેમ્બરે પબ્લિક સેફ્ટી એક્ટ (PSA) લગાવી દેવાયો હતો. 

નેશનલ કોન્ફરન્સના ચેરમેનને પીએસએના પબ્લિક ઓર્ડર જોગવાઇ હેઠળ કેસ દાખલ કરાયો છે. જે હેઠળ કોઇપણ વ્યક્તિને વિના સુનાવણીએ ત્રણથી છ મહીના માટે જેલમાં રાખી શકાય છે.