Unseasonal rain forecast in Gujarat: ઉનાળો શરૂ થયો છતાં કમોસમી વરસાદ ગુજરાતનો પીછો છોડતો નથી. હવામાન વિભાગ હજુ બે દિવસ કમોસમી વરસાદની આગાહી કરતા ખેડૂતોના માથે ફરી ચિંતાના વાદળો ઘેરાયા છે.
રાજ્યના ખેડૂતો માટે માઠા સમાચાર
ફરી કમોસમી વરસાદની આગાહી
વેસ્ટર્ન ડિસ્ટર્બન્સ સક્રિય થતા આગાહી
દેશના કેટલાય રાજ્યોમાં હવામાન ફરી એક વખત પલટાઈ રહ્યું છે. દેશના કેટલાય રાજ્યોમાં એપ્રિલ માસની શરૂઆત ગરમીથી નહીં, પરંતુ વરસાદથી થઈ છે. ત્યારે હવામાન વિભાગે એપ્રિલમાં પણ કમોસમી કમઠાણની આગાહી કરી છે. હવામાન વિભાગે જણાવ્યું કે, વધુ એક વેસ્ટર્ન ડિસ્ટર્બન્સ સક્રિય થતા રાજ્યના કેટલાક વિસ્તારોમાં 4 અને 5 એપ્રિલે કમોસમી વરસાદ વરસી શકે છે.
જગતનો તાત ચિંતામાં
હવામાન વિભાગ દ્વારા ફરી કમોસમી વરસાદની આગાહી કરી છે. વધુ એક વેસ્ટર્ન ડિસ્ટર્બન્સ સર્જાતા હવામાન વિભાગે કમોસમી વરસાદની આગાહી કરી છે. ગુજરાતમાં આગામી 4 અને 5 એપ્રિલે કમોસમી વરસાદ વરસાદ વરસી શકે છે. હવામાન વિભાગ જણાવ્યા અનુસાર, 4 એપ્રિલે કચ્છમાં સામાન્ય વરસાદ વરસી શકે છે. 5 એપ્રિલે બનાસકાંઠા અને સાબરકાંઠામાં વરસાદ ખાબકી શકે છે. હવામાન વિભાગે કમોસમી વરસાદની આગાહી કરતા જગતનો તાત ચિંતામાં મૂકાયા છે.
3 દિવસ બાદ વધશે ગરમી
આગામી 3 દિવસ બાદ ગરમીમાં વધારો થશે અને મોટાભાગના શહેરોમાં તાપમાન 35 ડિગ્રીથી વધુ નોંધાશે તેવી શક્યતાઓ વ્યક્ત કરી છે. હજુ પણ 2થી 4 ડિગ્રી તાપમાન વધવાની સંભાવના છે. આગાહીને ખેડૂતો ફરી ચિંતામાં મુકાયા છે, ભર ઉનાળે ચોમાસોનો માહોલ ફરી એકવાર જોવા મળશે.
થોડા દિવસ અગાઉ પણ ખાબક્યો હતો કમોસમી વરસાદ
થોડા સમય પહેલા રાજ્યના કેટલાક જિલ્લાઓના વિસ્તારમાં કમોસમી વરસાદ ખાબક્યો હતો જેના કારણે ખેતીમાં ભારે નુકસાન થયું છે. આમ ભરઉનાળે વરસાદ ખાબકતા ઘઉં સહિતના પાકનો શોથ વળી ગયો હતો. કેટલાક વિસ્તારોમાં કમોસમી વરસાદની અસર માંડ પૂરી થઈ જેની કળ હજુ વળી નથી ત્યાં ફરી વધુ એક વખત રાજ્યના હવામાન વિભાગ દ્વારા વરસાદની આગાહી કરવામાં આવતા ખેડૂતો મુંજાયા છે.