વીડિયો વાયરલ / જબરદસ્ત VIDEO વાયરલ : ઘોડા પર સવાર થઈ બેરિકેડ તોડી દિલ્હીમાં દાખલ થયા ખેડૂતો

• ખેડૂતોને ગણતંત્ર દિવસની પરેડ પૂરી થયા બાદ ટ્રેક્ટર રેલીની મંજૂરી અપાઈ હતી 
• બેરિકેડ્સ તૂટ્યા બાદ ખેડૂતો ઘોડા પર સવાર થઈ દિલ્હીમાં પ્રવેશ્યા
• નિયત સમય પહેલા ખેડૂતો સિંધુ અને ટિકરી બોર્ડર પર પહોંચ્યા

ખેડૂતોએ સિંધુ અને ટિકરી બોર્ડર પર તૈનાત બેરિકેડ્સ તોડી પાડ્યા

ખેડૂત આંદોલન ઘણાં દિવસોથી પૂરજોશમાં ચાલી રહ્યું છે ત્યારે ગણતંત્ર દિવસ પર ખેડૂતોએ ટ્રેક્ટર રેલી યોજી છે અને તેમણે સમય પહેલા આવીને સિંધુ અને ટિકરી બોર્ડર પર તૈનાત બેરિકેડ્સ તોડી પાડ્યા, જેનાં લીધે હંગામો મચી ગયો છે. ખેડૂતોની આ રેલીમાં તેઓ ઘોડા પર સવાર થયેલા પણ જોવા મળ્યા. જ્યારે બેરિકેડ્સ તુટ્યા ત્યારે ખેડૂતો ઘોડા પર સવાર થઈને દિલ્હીમાં પ્રવેશ્યા હતા. જેનો એક વીડિયો ખૂબ વાયરલ થઈ રહ્યો છે.  

#WATCH Protestors at Karnal bypass break police barricading to enter Delhi as farmers tractor rally is underway in the national capital#FarmLaws pic.twitter.com/pzfJs6Ioef

— ANI (@ANI) January 26, 2021

પોલીસનાં અવરોધકોને તોડી ખેડૂત દિલ્હીમાં પ્રવેશ્યા

ઉલ્લેખનીય છે કે રાજધાનીની સિંધુ અને ટિકરી બોર્ડર પર પ્રદર્શન કરી રહેલા ખેડૂતોનું સમૂહ મંગળવારે પોલીસનાં અવરોધકોને તોડીને દિલ્હીમાં પ્રવેશ્યા છે. ત્યારબાદ ખેડૂતો ઘણાં લાંબા સમય સુધી મુકરબા ચોક પર બેસી રહ્યા પણ પછી થોડી વાર રહીને તેમણે ત્યાં લગાવેલા બેરિકેડ અને સિમેન્ટનાં અવરોધોને તોડી પાડવાના પ્રયત્નો કર્યાં.

ખેડૂતો પર પોલીસે ટીયર ગેસ છોડ્યા

ખેડૂતોના આ સમૂહ પર પોલીસે ટીયર ગેસ છોડ્યા અને લાઠી ચાર્જ કર્યો હતો. અધિકારીઓનાં જણાવ્યા મુજબ સુરક્ષા કર્મીઓએ ખેડૂતોને સમજાવવાનો પ્રયત્ન કર્યો અને ખેડૂતોને કહ્યું કે તેમને રાજપથ પર ગણતંત્ર દિવસ પરેડ પૂરી થયા બાદ તેમણે દિલ્હીમાં ટ્રેક્ટર પરેડ કરવાની પરવાનગી આપવામાં આવી છે. પણ ખેડૂતો તે સમય પહેલા ત્યાં પહોંચી ગયા હતા.