મોરબીમાં આ વર્ષે સાર્વત્રિક વરસાદ થયો છે. મચ્છુ -3 ડેમ 100 ટકા ભરાઈ ગયો છે. જ્યારે ઉપવાસમાંથી હજુ ધીમીધારે પાણની આવક ચાલું છે. સિંચાઈ માટેનો ડેમ છલોછલ ભરાઈ જતા આ ડેમ હેઠળના તમામ ખેડૂતોની ડેમમાંથી સિંચાઈનો લાભ મળશે.
મોરબી જિલ્લામાં 10 ઓગસ્ટના રોજ ભારે વરસાદ પડ્યો હતો. જેના પગલે જળાશયો છલોછલ ભરાયા છે. જોકે મોરબીનો મચ્છુ ડેમ 3 ઉપરવાસ ભારે વરસાદથી 80 ટકા ઉપર ભરાઈ ગયા બાદ સતત ધીમીધારે ઉપરથી પાણીની આવક ચાલુ રહેતા આ જળાશય 100 ટકા ભરાઇ ગયો છે.
મોરબીના મચ્છુ -3 ડેમ હાલ 28.17 ફૂટે એટલે કે, 100 ટકા ભરાઈ ગયો છે. મચ્છુ -3 ડેમમાં 288.134 ઘન ફૂટ પાણીનો સંગ્રહ થયો છે. હજુ ઉપરથી સાવ ધીમી ગતિએ પાણીની આવક ચાલુ રહેતા 1400 ક્યુસેક પાણીની આવક અને એટલી જ જાવક ચાલુ છે. આ ડેમના 2 પાટિયા પોણા ફૂટ ખોલેલા છે.આ સિંચાઈ માટેનો ડેમ છલોછલ ભરેલો હોવાથી ખેડૂતોમાં ખુશીની લહેર દોડી ગઈ છે.