IPLIN
 
  • Home
  • India
  • farmers-took-out-candle-march-on-borders-of-delhi-to-pay-tribute-to-martyrs-soldiers-in-pulwama-attack

14 ફેબ્રુઆરી / પુલવામા હુમલાના શહીદોને અંજલિ આપવા માટે ખેડૂત સંગઠનોએ કાઢી કેન્ડલ માર્ચ, સર્જાયા આવા દ્રશ્યો

Team VTV 10:45 PM, 14 Feb 21 | Updated: 10:52 PM, 14 Feb 21
Follow us
farmers-took-out-candle-march-on-borders-of-delhi-to-pay-tribute-to-martyrs-soldiers-in-pulwama-attack

ટિકરી બોર્ડર પર ખેડૂતોએ પુલવામા આતંકી હુમલાની બીજી વર્ષગાંઠ પર મૃત્યુ પામેલા સૈનિકોને શ્રદ્ધાંજલિ અર્પી હતી. મોડી સાંજે ખેડુતોએ અહીં મીણબત્તીઓ કાઢીને રેલી યોજી હતી. 

  • પુલવામાં હુમલામાં ભારતના 40 જવાનો શહીદ થયા હતા 
  • આજે પુલવામા હુમલાની બીજી વરસી છે 
  • ખેડૂત સંગઠનોએ આપી શ્રદ્ધાંજલિ,કાઢી કેન્ડલ માર્ચ

મહત્વનું છે કે 14 ફેબ્રુઆરી 2019 ના રોજ પુલવામા આતંકી હુમલામાં CRPF ના 40 જવાન શહીદ થયા હતા. જ્યારે અન્ય 70 જવાન ઘાયલ થયા હતા. જે પછી ભારતે પાકિસ્તાન અધિકૃત કાશ્મીરમાં પ્રવેશ કરી બાલાકોટ એરસ્ટ્રાઇક કરી હતી.

મીણબત્તીઓ સાથે આપી શ્રદ્ધાંજલિ 

રવિવારે સાંજે 6.30 વાગ્યે સંયુક્ત કિસાન મોરચા દ્વારા ટિકરી બોર્ડર પર મીણબત્તીઓની સાથે યાત્રા કાઢવામાં આવી હતી. સેંકડો ખેડૂતોએ આશરે બસો મીટર સુધી કૂચ કરી દેશના બહાદુર શહીદોને શ્રદ્ધાંજલિ આપી હતી. ભારતીય સૈન્યના ભૂતપૂર્વ સૈનિકોએ પણ આ મીણબત્તી કૂચમાં ભાગ લીધો હતો.ખેડૂતોએ કહ્યું કે દેશની સૈન્યમાં પોસ્ટ કરેલા મોટાભાગના સૈનિકો દેશના કોઈ દૂરદરાજના ગામડામાં જ્ન્મતા હોય છે કે જેના માતા-પિતા મોટે ભાગે ખેડૂત હોય છે.

તેથી, ખેડૂતો ની સાથે દેશના સૈનિકોનો પણ આ આંદોલન સાથે ઊંડો સંબંધ છે. પરંતુ કેન્દ્ર સરકાર હેઠળની નોકરીને કારણે તેઓ ખુલ્લેઆમ સરકારની વિરુદ્ધ ઉભા નથી. જો દેશનો જવાન ખુલ્લેઆમ ખેડૂત આંદોલનને સમર્થન આપે છે, તો સરકારને તેના નિર્ણયોથી પરત કરવી સરળ બનશે. તે જ સમયે, ગાજીપુર બોર્ડર પર પુલવામા હુમલામાં મૃત્યુ પામેલા સૈનિકોને પણ શ્રદ્ધાંજલિ અર્પી હતી. ખેડૂતોએ કહ્યું કે દેશની રક્ષા માટે સૈનિકોએ પોતાનો જીવ આપ્યો છે. તેમના બલિદાનને ક્યારેય ભૂલી શકાય નહીં.

ખેડૂતો ને મળ્યો પૂર્વ સૈનિકોનો ટેકો 

શહાદત દિન નિમિત્તે, ધરણાં સાઇટ નજીક બનાવેલ પ્લેટફોર્મ ભૂતપૂર્વ સૈનિકો દ્વારા ચલાવવામાં આવ્યું હતું. કામગીરી શરૂ થતાં પહેલાં ભૂતપૂર્વ સૈનિકો અને ખેડૂતોએ પણ રાષ્ટ્રગીત ગાયું હતું.  ગાજીપુર સરહદ પર પહોંચેલા પૂર્વ સૈનિક ગુરદીપસિંહે કહ્યું કે, જો સૈનિકો સરહદ પર ઉભા રહીને દેશની રક્ષા કરે છે, તો તે જ ખેડૂતો દિલ્હીની સરહદો પર લડીને પોતાના હકની લડત લડી રહ્યા છે.

તેમણે કહ્યું કે કેન્દ્ર સરકારના ત્રણ કૃષિ કાયદાથી તમામ લોકોને નુકસાન થશે. સરકારે વહેલી તકે કાયદા પાછા લેવા જોઈએ. આ સૈનિકોએ સ્ટેજ પરથી ખેડૂતોને હાકલ કરી હતી અને કહ્યું હતું કે તેઓએ આ રીતે આંદોલન ચાલુ રાખવું જોઈએ. એક દિવસ, તેમની સમસ્યાનું સમાધાન મળશે.

ભૂતપૂર્વ સૈનિકો અનશન પર બેઠા 

રવિવારે ખેડૂત આંદોલનના 79 મા દિવસે 13 પૂર્વ સૈનિકો ઉપવાસ પર બેઠા હતા. સુબેદાર મેજર જયપ્રકાશ મિશ્રા, હરવેન્દ્રસિંહ રાણા, બોધનાથ મિશ્રા, બલવિન્દર સિંહ, ચરણપાલ સિંઘ, ગુરદીપ સિંહ, ચન્નાન સિંઘ, સુબેદાર ગુરચરણસિંઘ, અનુરાગ લાથવાલ, રાજન ભાસ્કર, મણિ દેવ ચતુર્વેદી, ટેલિસ્કોપ યાદવ, દેવરાજ પહેલવાન 24 કલાક ઉપવાસ કર્યા હતા.

farmers protest farm laws Kisan Aandolan ખેડૂતો
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ