IPLIN
 
  • Home
  • India
  • farmers protests talks with centre tomar says govt ready to consider any proposal apart from repeal of three farm laws

ખેડૂત આંદોલનઃ / જિદ્દ અને શક્તિ પરીક્ષણની સાથે આજે સરકાર સાથેની આઠમી વાતચીત, આંદોલનને થયા 43 દિવસ

Team VTV 07:54 AM, 08 Jan 21
Follow us
farmers protests talks with centre tomar says govt ready to consider any proposal apart from repeal of three farm laws

કેન્દ્ર અને આંદોલનકારી 40 ખેડૂત સગઠનોની નેતાઓ વચ્ચેની સાત વખતની વાતચીતમાં કોઈ પરિણામ આવ્યું નથી. જો કે 30 ડિસેમ્બરની વાતચીત થોડી સકારાત્મક રહી હતી. જેમાં ખેડૂતોએ થોડી સફળતા મેળવી હતી. આ સાથે આજે ફરીથી સરકાર સાથે આઠમી વખતની વાતચીત થવા જઈ રહી છે ત્યારે જોવાનું એ છે કે ખેડૂતો તેમની જિદ્દ પર વિજય મેળવી શકે છે કે કેમ.

  • આજે ખેડૂત અને સરકાર સાથે આઠમી વખતની વાતચીત
  • સાત વખતની વાતચીતમાં કોઈ પરિણામ આવ્યું નથી
  • છેલ્લા 43 દિવસથી ખેડૂતો ઠંડી અને વરસાદની સાથે આંદોલન કરી રહ્યા છે

 
આજે આઠમી વખત થશે વાતચીત શક્ય

કેન્દ્ર સરકાર અને ખેડૂત સંગઠનોની વચ્ચે આજે આઠમી બેઠક થવા જઈ રહી છે. વરસાદ અને કડકડતી ઠંડીની સાથે ખેડૂતો 43 દિવસથી આંદોલન કરી રહ્યા છે. દિલ્હીની સીમાઓ પર કૃષિ કાયદાને રદ્દ કરવાની માંગ સાથે ખેડૂતો કાયમ છે. પહેલાની 7 વખતની વાતમાં કોઈ ખાસ પરિણામ મળ્યું નથી. એક તરફ ખેડૂતોનું કહેવું છે કે સરકાર કૃષિ કાયદો પરત નહીં લે ત્યાં સુધી અમારું આંદોલન ચાલુ રહેશે. અમે પાછળ હટવાના નથી.

કૃષિ મંત્રીએ કહી છે આ વાત

કેન્દ્ર અને ખેડૂત આંદોલનની વચ્ચે આજે થનારી વાતચીત પહેલાં ગુરુવારે કેન્દ્રીય કૃષિ મંત્રી નરેન્દ્ર સિંહ તોમરે કહ્યું છે કે સરકાર 3 નવા કાયદાને પરત લેવાના કોઈ પણ પ્રસ્તાવ પર વિચાર કરવા તૈયાર છે. કેન્દ્રીય ખાદ્ય મંત્રી પીયુષ ગોયલ અને વાણિજ્ય રાજ્યમંત્રઈ સોમ પ્રકાશની સાથે વાતચીત કર્યા બાદ તોમરે કહ્યું કે તેઓ હાલમાં કંઈ કહી શકશે નહીં. આજની વાતચીત વિજ્ઞાન ભવનમાં બપોરે 2 વાગે થશે અને પછી જ કોઈ નિર્ણય આવી શકશે. 

પહેલાંની સાત વખતની વાતચીત રહી નિર્ણય વિહીન

કેન્દ્ર અને આંદોનકારી ખેડૂત સંગઠનની સરકાર સાથેની 7 વાતચીત નિરર્થક રહી છે. જો કે આજની બેઠકમાં થોડી આશા બંને પક્ષે રાખવામાં આવી રહી છે. 30 ડિસેમ્બરની બેઠકમાં સરકારે વીજળી સબ્સિડી અને પરાલી બાળવાના સંબધમાં 2 માંગ માની હતી. 
 


કૃષિ મંત્રીએ આપ્યું આ નિવેદન

તેઓએ કહ્યું કે તેઓ કાયદાને પરત લેવાની માંગ સિવાય કોઈ પણ પ્રસ્તાવ પર વાત કરવા અને વિચાર કરવા તૈયાર છે. તેઓએ કહ્યું છે કે રાજ્યોમાં નવા કેન્દ્રીય કાયદા લાગી કરવાની છૂટ અપાઈ નથી અને હું તેમની સાથે વાત ચાલુ રાખીશ. સરકારની આવનારી રણનીતિને લઈને તેઓએ કહ્યું કે જે પણ પગલાં લેવાયા છે તે શરૂઆત છે અને તેમાં સુધારો કરાઈ રહ્યો છે. કીટનાશક વિધેયક અને બીજ વિધેયક પણ આવી શકે છે. 
 

ગુરુવારે ખેડૂતોએ કરી ટ્રેક્ટર માર્ચ

શુક્રવારે એટલે કે આજે થનારી વાતચીત પહેલાં ગઈકાલે ખેડૂતોએ ટ્રેક્ટર માર્ચ પણ કરી હતી. દિલ્હીની સીમાઓ પર પ્રદર્શન સ્થળ પર ટ્રેક્ટર માર્ચ કરાઈ હતી. 

દિલ્હીની સીમાઓ પર એક મહિનાથી પણ વધુ સમયથી ખેડૂતો અડગ રહ્યા છે અને સાથે 3 કૃષિ કાયદાને પરત લેવાની માંગ પર કાયમ છે. તેઓ પાક માટે એમએસપી માંગી રહ્યા છે. પ્રદર્શન કારી ખેડૂતોમાં મોટાભાગના ખેડૂતો પંજાબ અને હરિયાણાના છે. 

Meeting Government farmers protest Kisan Aandolan Farm law કૃષિ કાયદો ખેડૂતો આંદોલન સરકાર વાતચીત માર્ચ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ