વાયરલ / 'લાઠી-ડંડા સાથે રાખજો...' ખેડૂત અગ્રણી રાકેશ ટીકૈતનો વીડિયો થયો વાયરલ, બાદમાં આપી સ્પષ્ટતા

• દિલ્હીમાં ગણતંત્ર દિવસ પર ભારે હિંસા 
• ખેડૂત અગ્રણી રાકેશ ટીકૈતના વિડીયોથી ઉઠયા સવાલ 
• સ્પષ્ટતામાં કહ્યું હું મારી ભૂલ સ્વીકારું છું 

વિડીયો સોશ્યલ મીડિયામાં વાયરલ

દેશના પાટનગર દિલ્હીમાં ખેડૂતોના ટ્રેક્ટર માર્ચ દરમિયાન લાલ કિલ્લાથી લઈને દિલ્હીના વિવિધ સ્થળો પર થયેલી હિંસા મામલે પોલીસ તપાસ શરૂ થઈ ગઈ છે ત્યારે ખેડૂત અગ્રણી રાકેશ ટીકૈતનો એક વિડીયો સોશ્યલ મીડિયામાં ખૂબ વાયરલ થઈ રહ્યો છે. રાકેશ ટીકૈત આ વિડીયોમાં લોકોને ઉશ્કેરતા દેખાઈ રહ્યા છે જેમાં તેઓ કહી રહ્યા છે કે હવે સરકાર જિદ્દી થઈ ગઈ છે એટલે પ્રદર્શનમાં ઝંડા અને ડંડા સાથે લઈને આવવું પડશે. આ વિડીયો ભારતીય જનતા પાર્ટીના સંબિત પાત્રાએ પણ ટ્વિટ કર્યો છે. 

વાયરલ વિડીયોમાં રાકેશ ટીકૈત કહી રહ્યા છે કે સરકાર માની નથી રહી, વધારે કેડી થઈ રહી છે. લઈ આવજો, ઝંડા, ડંડા પણ સાથે રાખજો. બધી વાત સમજી જજૉ. આવી જાઓ બસ બહુ થઈ ગયું. તીરંગાની સાથે પોતાનો ઝંડો પણ લઈ આવજૉ. આવી જાઓ જમીન બચાવવા. જમીન બચી નથી રહી. 

We said bring your own sticks. Please show me a flag without a stick, I will accept my mistake: Rakesh Tikait on viral video where he was seen appealing to his supporters to be armed with lathis https://t.co/LKw8ihVmtE

— ANI (@ANI) January 27, 2021

આજે આપી સ્પષ્ટતા 

બુધવારે આ વિડીયો મામલે તેમણે કહ્યું કે વિડીયો તેમનો જ છે. તેમણે કહ્યું કે લાઠી કોઈ હથિયાર થોડી છે. હું મારી ભૂલ સ્વીકાર કરું છું. ગઇકાલની હિંસા બાદ આજે સવારે રાકેશ ટીકૈતે કહ્યું કે જેણે ઝંડો ફરકાવ્યો તે માણસ કોણ હતો? એક કોમને બદનામ કરવાનું ષડયંત્ર છે જે બે મહિનાથી ચાલી રહ્યું હતું. કેટલાક લોકોની ઓળખાણ થઈ છે અને તેમણે આજે અહિયાંથી જવું પડસે. જે માણસ હિંસામાં સામેલ જણાશે તેણે આ સ્થાન છોડવું પડશે અને તેના સામે કાર્યવાહી કરવામાં આવશે. 

એક્શનમાં સરકાર 

બીજી તરફ હવે હિંસા મામલે સરકાર અને પોલીસ પણ એક્શનમાં આવી ગઈ છે. દિલ્હી પોલીસ સતત ફરિયાદો દાખલ કરી રહી છે અને અત્યાર સુધીમાં ટોટલ 22 FIR દાખલ કરી દેવામાં આવી છે. આ સિવાય દિલ્હીના કેટલાય સ્થળો છાવણીમાં ફેરવાઇ ગયા છે. ભારે સંખ્યામાં પેરામિલીટરી ફોર્સને તૈનાત કરી દેવામાં આવ્યા છે. 

દિલ્લીમાં ટ્રેક્ટર રેલીમાં ઘણા હિંસક તત્વો ઘૂસી આવ્યા. છેલ્લા 60 દિવસથી ચાલી રહેલા અહિંસક આંદોલન ટ્રેક્ટર રેલીમાં હિંસક થઇ ગયું. ટ્રેક્ટર રેલી નીકાળી પરંતુ નક્કી રૂટ સિવાયના રૂટમાં પણ પહોંચી ગયા. જેને લઇ પોલીસે ટીયરગેસના સેલ છોડ્યા. પ્રદર્શનાકીરોએ બેરિકેડ્સ તોડી અને અલગ અલગ રસ્તાઓ પર પહોંચી ગયા. ઘણા બધા એવા તત્વો પણ જોવા મળ્યા જે ટ્રેક્ટરથી જાણે તાંડવ મચાવી રહ્યા હોય અને પોલીસ જવાનો પર ટોળાઓએ હુમલા કરી દીધા હતા.