સ્પોર્ટ્સ / આંદોલનના સમર્થનમાં જોડાયો આ ક્રિકેટરનો પરિવાર, પિતાએ કહ્યું '...તે પણ બની જશે ખેડૂત'

• દિલ્હીની વિવિધ સરહદ પર વિરોધ કરી રહ્યા છે ખેડૂતો 
• શુભમન ગિલના પરિવારના સદસ્યો પણ આંદોલનમાં જોડાયા 
• ક્રિકેટથી કરિયર ખતમ થયા બાદ શુભમન પણ ખેડૂત બની જશે : શુભમનના પિતા 

દિલ્હીની સરહદો પર ખેડૂતો દ્વારા ચક્કાજામ 

કેન્દ્ર સરકારના નવા કાયદાઓના વિરોધમાં ઉત્તરભારતમાં પંજાબ અને હરિયાણાના ખેડૂતો હલ્લાબોલ કરી રહ્યા છે. ખેડૂતોના સમર્થનમાં પંજાબ અને હરિયાણાના ઘણા લોકો આવી ગયા છે, પંજાબના સિંગર અને કલાકારો ખુલીને ખેડૂતોની સાથે ઉભા છે ત્યારે હવે ભારતીય ક્રિકેટ ટીમના ખેલાડીનો આખો પરિવાર આંદોલનના સમર્થનમાં ઉતર્યો છે.  

વૃદ્ધ દાદા પણ આંદોલનના સમર્થનમાં 

ગિલના પરિવારના કેટલાક સદસ્યો સિંઘુ બોર્ડર પર પ્રદર્શન કરવા પહોંચ્યા છે. ગિલના દાદાએ મીડિયા સાથે વાતચીતમાં કહ્યું કે ટીવી પર પૌત્ર અને ખેડૂતો આંદોલનના સમાચાર તેઓ જોઈ રહ્યા હતા. 

 

 

 

 

View this post on Instagram

 

 

 

 

 

 

 

 

 

 

 

A post shared by Ꮪhubman Gill (@shubmangill)

આંદોલન ખેડૂતો માટે કેટલું મહત્વનું છે તેની શુભમનને પણ ભાન છે : પિતા 

નોંધનીય છે કે શુભમન ગિલનો પરિવાર ખેડૂત પરિવાર છે જે જલાલાબાદમાં રહે છે. શુભમનના પિતાએ કહ્યું કે મારા પિતા પોતે આંદોલન કરવા જવા માંગતા હતા પરંતુ ઉંમરને જોતા અમે તેમને વિંનતી કરી કે તે ન જાય. શુભમનને પણ જાણ છે જ કે આ આંદોલન ખેડૂતો માટે કેટલું મહત્વપૂર્ણ છે. 

'ખેડૂત બની જશે શુભમન'

શુભમનના પિતાએ વધુમાં કહ્યું કે 'શુભમનનું આખું બાળપણ ખેતરો અને ગામડાઓમાં જ વીત્યું છે અને તેણે પોતાના પરિવારને ખેતરોમાં કામ કરતા જોયું છે, તેને પોતે ખેડૂત હોવાનો ગર્વ છે. તેને પોતાના ગામથી લાગણી છે અને ખેતરોમાં જ ક્રિકેટ શીખ્યો છે. ક્રિકેટથી કરિયર ખતમ થયા બાદ મારો દીકરો પણ ખેડૂત જ બની જશે. 

ભજ્જીએ પણ ખેડૂતો પર બળપ્રયોગ સામે વિરોધ દર્શાવ્યો 

નોંધનીય છે કે સ્પિનના કિંગ કહેવાતા હરભજન સિંહે પણ ખેડૂત આંદોલનનું સમર્થન કર્યું છે, તેમણે કહ્યું કે ખેડૂતોની વાત સાંભળવી જોઈએ. તેમણે કહ્યું કે ખેડૂતો અન્નદાતા છે અને અન્નદાતાનો થોડો સમય આપવો જ જોઈએ. આ યોગ્ય નથી, શું પોલીસ અથડામણ વગર વાત નહીં સાંભળે ? કૃપા કરીને ખેડૂતોની વાત પણ સાંભળો.