રણનીતિ / હવે રાકેશ ટિકૈતનો આગામી જે પ્લાન છે તે ખેડૂત આંદોલનને વધુ વેગ આપે તેવી શક્યતા

• આગામી રણનીતિ પર વિચાર કરવામાં આવશે
• ખેડૂત આંદોલનને પુનર્જીવિત કરવામાં કંડેલા મહત્વની ભૂમિકા ભજવશે
• વીજળીના બિલોને લઈને થયેલા આંદોલનમાં કંડેલા કેન્દ્રમાં રહ્યું હતુ

ખેડૂત આંદોલનને પુનર્જીવિત કરવામાં કંડેલા મહત્વની ભૂમિકા ભજવશે

આ બેઠકમાં લગભગ 50 ખાપોના લોકો ભેગા થશે અને દિલ્હીમાં ચાલી રહેલા ખેડૂત આંદોલનને નવા ધારા આપશે. ઉલ્લેખનીય છે કે કંડેલા વર્ષ 2002માં વીજળી બિલ માફી આંદોલનને લઈને ન્યૂઝમાં રહી છે. ગત 26 જાન્યુઆરીએ દિલ્હી લાલ કિલ્લા પર ખેડૂત યુનિયન અને શીખોના પ્રતીક ઝંડાને લહેરાવાથી નબળા પડી રહેલા ખેડૂત આંદોલનને પુનર્જીવિત કરવામાં કંડેલા ગામમાં જ જાન્યુઆરી રાતે જીંદ ચંદીગઢ રાષ્ટ્રીય રાજમાર્ગ જામ કરી આંદોલન ફરી ઉભુ કરવામાં  મહત્વની ભૂમિકા નિભાવી હતી. એ બાદ 27 જાન્યુઆરીએ રાજ્યના લગભગ તમામ સ્થળો પર ખાપ પંચાયતોએ દિલ્હી જેવાનો નિર્ણય કર્યો અને હરિયાણાના લોકો દિલ્હી પણ પહોંચ્યા.

 આ દિવસે આંદોલનને લઈને મોટો નિર્ણય લેવાઈ શકે છે

કંડેલા ખાપે એક વાર ફરી આંદોલનને તાકાત આપવા માટે 3 ફેબ્રુઆરીએ રાકેશ ટિકૈતને ખાપ ઐતિહાસિક ચબૂતરા પર પંચાયતમાં બોલાવ્યા છે. આ સાથે  લગભગ 50 ખાપોના લોકો પણ પહોંચશે. મનાઈ રહ્યું છે કે આ દિવસે આંદોલનને લઈને મોટો નિર્ણય લેવાઈ શકે છે.

 વીજળીના બિલોને લઈને થયેલા આંદોલનમાં કંડેલા કેન્દ્રમાં રહ્યું

ઉલ્લેખનીય છે કે 2002માં વીજળીના બિલોને લઈને થયેલા આંદોલનમાં કંડેલા કેન્દ્રમાં રહ્યું હતુ. જેમાં અનેક અધિકારીઓને બંધક પણ બનાવવામાં આવ્યા હતા. લગભગ 2 મહિના સુધી જીંદ - ચંદીગઢ માર્ગને જામ રાખવામાં આવ્યો હતો. આ આંદોલનમાં પોલીસ અને ખેડૂતો વચ્ચે અથડામણ થયું હતું. જેમાં ગોળી વાગવાથી 9 ખેડૂતોના મોત થયા હતા અને અનેક ઘાયલ થયા હતા. 

કંડેલા ખાપ પોતાના કડક નિર્ણયો માટે ઓળખાય છે

કંડેલા ખાપ પોતાના કડક નિર્ણયો માટે ઓળખાય છે. રાજ્યમાં અત્યાર સુધી જેટલા પણ આંદોલન થયા તેમાં કંડેલા ખાપની મહત્વની ભૂમિકા રહી છે. એક વાર ફરી કૃષિ કાયદાના વિરોધમાં દિલ્હીમાં ચાલી રહેલા આંદોલનને તાકાત આપવામાં કંડેલામાં મહત્વપૂર્ણ પંચાયતનું આયોજન કરવામાં આવ્યું છે.

આગામી રણનીતિ પર વિચાર કરવામાં આવશે

કંડેલા ખાપના પ્રધાન ટેક રામ કંડેલાએ જણાવ્યું કે બુધવારે કંડેલામાં આયોજિત પંચાયતમાં ખેડૂત નેતા રાકેશ ટિકૈત પહોંચશે. આ પંચાયતમાં રાજ્યના લગભગ 50 ખાતોના પ્રતિનિધિઓ હાજરી આપશે. આ પંચાયતમાં ખેડૂત આંદોલનને લઈને આગામી રણનીતિ પર વિચાર કરવામાં આવશે.