નિર્ણય / પ. બંગાળમાં BJPને જોરદાર ઝટકો આપવાની તૈયારીમાં ખેડૂત નેતાઓ, ટિકૈતે કરી નાખ્યું મોટું એલાન

• પશ્ચિમ બંગાળ જશે ખેડૂતો નેતાઓ 
• મોટી સભાનું કરાશે આયોજન 
• ખેડૂત નેતા ચઢૂનીએ કહ્યું ભાજપ હારશે આંદોલન જીતશે

ભાજપનું વધ્યું ટેન્શન 

પશ્ચિમ બંગાળમાં જ્યાં રાજકીય પાર્ટીઓ એડીચોટીનું જોર લગાવી રહી છે અને ભાજપ દ્વારા આ વખતે સરકાર બનાવી લેવાનો દાવો કરવામાં આવી રહ્યો છે હવે ખેડૂત સંગઠનોએ પણ બંગાળમાં આવવાનું એલાન કરી દીધું છે. ખેડૂત નેતાઓએ એલાન કરી દીધું છે કે પશ્ચિમ બંગાળમાં પ સભાઓ કરશે. ખેડૂત નેતા રાકેશ ટિકેતે કહ્યું છે કે અમે આખા દેશમાં સભાઓ કરીશું અને બંગાળમાં પણ જઈશું. 

રાકેશ ટીકૈતની હુંકાર 

ભારતીય કિસાન યુનિયનના નેતા રાકેશ ટીકૈતે કહ્યું કે અમે આખા દેશમાં જઈશું અને બંગાળમાં પણ જઈશું. ત્યાંનાં ખેડૂતો પણ સમસ્યાનો સામનો કરી રહ્યા છે. તેમને પાક પર યોગ્ય કિંમત મળતી નથી. 

બંગાળમાં ભાજપને ઝટકો લગાવવાની તૈયારી 

રાકેશ ટીકૈતે મોટું નિવેદન આપતા કહ્યું હતું કે અમે આખા દેશમાં પંચાયત કરીશું. ગુજરાત, મહારાષ્ટ્ર અને અન્ય સ્થાનો પર જઈશું. અમે બંગાળ જઈશું અને ત્યાં પણ એક મોટી સભાનું આયોજન કરીશું. 

'ભાજપ હારશે તો આંદોલન સફળ થશે'

હરિયાણામાં બીકેયૂ નેતા ગુરનામ સિંહ ચઢૂનીએ લોકોને અપીલ કરતાં કહ્યું હતું કે પંચાયતથી સંસદ સુધી એવા એક પણ વ્યક્તિને વોટ ન આપે જે આંદોલનનું સમર્થન નથી કરતાં. 

ચઢૂનીએ કહ્યું કે જ્યાં સુધી પશ્ચિમ બંગાળનો વિષય છે જો ભાજપ હારી જશે તો અમારું આંદોલન સફળ થઈ જશે. પશ્ચિમ બંગાળમાં લોકો કૃષિ પર નિર્ભર છે અને અમે ત્યાં જઈશું અને ખેડૂતોને અપીલ કરીશું કે જે તેમની આજીવિકાને છીનવી રહ્યા છે તેમને વોટ ન આપે.