• Home
  • Politics
  • India
  • farmers protest home minister amit shah gives big statement on new farm laws

નિવેદન / ખેડૂત આંદોલન વચ્ચે ગૃહમંત્રી અમિત શાહનું મોટું નિવેદન, કહ્યું મોદી સરકારે કૃષિ બજેટ...

Team VTV 04:53 PM, 17 Jan 21 | Updated: 04:55 PM, 17 Jan 21
farmers protest home minister amit shah gives big statement on new farm laws

ભારતમાં કૃષિ કાયદાના વિરોધમાં ખેડૂતોનું આંદોલન 52 દિવસથી ચાલી રહ્યું છે ત્યારે આજે કેન્દ્રીય ગૃહમંત્રી અમિત શાહે મોટું નિવેદન આપ્યું છે. 

  • કૃષિ કાયદાના વિરોધમાં ખેડૂતોનું આંદોલન યથાવત 
  • ગૃહમંત્રી અમિત શાહે ફરીવાર આપ્યું મોટું નિવેદન 
  • કોંગ્રેસ નેતાઓને પૂછ્યા સવાલ 
  • અમિત શાહે પહેલાની સરકારની તુલનામાં કૃષિ બજેટ વધાર્યું હોવાનો દાવો કર્યો 

કેન્દ્રીય ગૃહમંત્રી અમિત શાહે ખેડૂતોના આંદોલનને લઈને કોંગ્રેસ પર જોરદાર હુમલો કર્યો છે. અમિત શાહે કોંગ્રેસે પૂછ્યું કે આખરે કોંગ્રેસે ખેડૂતોને વાર્ષિક છ હજાર રૂપિયા કેમ ન આપ્યા? 

કૃષિ કાયદા મુદ્દે ફરીથી તેમણે કહ્યું કે નવા કૃષિ કાયદાથી ખેડૂતોની આવકમાં વધારો થશે. તેમણે કહ્યું કે હું તે કોંગ્રેસ નેતાઓને પૂછવા માંગુ છું જે ખેડૂતોના પક્ષમાં વાત કરી રહ્યા છે. તમે ખેડૂતોને છ હજાર રૂપિયા કેમ ન આપ્યા? જયારે તમે તો સત્તામાં હતા. 

અમિત શાહે કહ્યું કે નરેન્દ્ર મોદી સરકાર ખેડૂતોનું કલ્યાણ કરવા માટે કટિબદ્ધ છે. ત્રણ કૃષિ કાયદાથી ખેડૂતોની આવકમાં વધારો થવાનો છે અને હવે તો ખેડૂતો દેશ અને દુનિયામાં કોઇ પણ જગ્યાએ પાક વેચી શકશે. તેમણે કહ્યું કે ભારત સરકારની પ્રાથમિકતા છે કે ખેડૂતોની આવક વધારવામાં આવે. 

નોંધનીય છે કે કૃષિ કાયદાના વિરોધમાં અત્યારે પણ આંદોલન ચાલી રહ્યું છે. એક તરફ જ્યાં સરકાર અને ખેડૂત અગ્રણીઓ વચ્ચે વાતચીત ચાલી રહી છે અને બીજી તરફ સુપ્રીમ કોર્ટમાં પણ મામલો ચળાઈ રહ્યો છે. ત્યારે મુદ્દાનો અંત ક્યારે આવશે તેના પર કોઇ જ રસ્તો દેખાઈ રહ્યો નથી ત્યારે કૃષિ મંત્રી નરેન્દ્ર સિંહ તોમરે ફરીવાર કહ્યું છે કે સરકાર ખુલ્લા મનથી વાતચીત કરવા માટે તૈયાર છે. 

નોંધનીય છે કે હવે 19મી જાન્યુઆરીએ ફરીથી ખેડૂતો અને સરકાર વચ્ચે ચર્ચા થવાની છે ત્યારે કૃષિ મંત્રીએ કહ્યું છે કે કૃષિ કાયદા પર વિગતવાર ચર્ચા કરીશું સાથે સાથે તેમણે ફરીવાર કહ્યું કે કૃષિ કાયદા તો રદ નહીં જ થાય. 

farmers protest Kisan Andolan amit shah અમિત શાહ ખેડૂત આંદોલન
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ