ખેડૂતોનો પોતાની જમીન માટે વિરોધ તો ધારાસભ્ય કહે છે કે જમીનોના ભાવ વધશે

સુરત શહેરી વિકાસ સત્તા મંડળના વિકાસ નકશા 2035ને મંજુરી મળતા અંત્રોલીમાં બુલેટ સ્ટેશનના 1હજાર હેક્ટરને હાઇસ્પીડ રેલ કોરિડોરમાં સામેલ કરાયો તેમાં 1.8 બેઝ એફએસઆઈથી 5.4 સુધી પેઇડ ફ્લોર સ્પેસ ઇન્ડેક્સ (એફએસઆઈ) મળશે. કામરેજ-પલસાણાની બંને બાજુ એક એક કિમી. સુધી હાઇ ડેન્સીટી ઝોન જાહેર કરાયા છે. જેથી ત્યાં ટી.પી. સ્કીમ લાગુ કરી વિકાસ સધાશે. 

જેમાં ઓલપાડ કામરેજ અને પલસાણાના 22 ગામોનો સમાવેશ કરવામાં આવ્યો છે. જેને લઈને ગુજરાત ખેડૂત સમાજના આગેવાનો અને ખેડૂતો દ્વારા ઓલપાડના સાધીયેર ખાતે ઉગ્ર વિરોધ નોધાવ્યો હતો જ્યારે સુડાના વિરોધ મુદ્દે અમે જ્યારે ઓલપાડના ભાજપના ધારાસભ્યની પ્રતિક્રિયા જાણવાનો પ્રયાસ કર્યો તો આવું કહ્યું.

ત્રણેય તાલુકાના 22 ગામોના ગામજનો અને ખેડૂતોમાં રોષ જોવા મળી રહ્યો છે. ખેડૂતોના મતે ભૂતકાળમાં જે ગામોનો વિકાસ નકશામાં સામેલ કરવામાં આવ્યા હતા તેઓને આજ સુધી મૂળભૂત સુવિધાઓ મળી નથી. ઉપરાંત જમીન ગુમાવનાર ખેડૂતોને યોગ્ય વળતર પણમળ્યું નથી. 

બીજી તરફ આ મુદ્દે અગાઉ જે હાઈકોર્ટમાં રીટ કરવામાં આવી છે તે મુદ્દે હવે ઝડપથી નિર્ણય લેવાય તે માટે ખેડૂતો આંદોલન કરી વિરોધ કરી રહ્યા છે. જોકે ઘણા ખેડૂતો સુડા ના સમર્થન માં આવતા હવે સ્થાનિક રાજકારણ ગરમાયુ છે.