કમોસમી વરસાદના કારણે ખેડૂતોને ભારે નુકશાન સહન કરવાનો વારો આવ્યો છે. ત્યારે બનાસકાંઠાના લાખણીમાં ખેડૂતોએ વાવેતર કરેલ તમાકુનાં પાકમાં ભારે નુકશાન વેઠવાનો ખેડૂતોને વારો આવ્યો છે.
માવઠાના કારણે ખેડૂતોની મહેનત પર પાણી ફરી વળ્યું
લાખો રૂપિયાના પાકની નુકસાની વેઠવાનો વારો આવ્યો
અંદાજીત 50 ટકા પાકને નુકસાન પહોંચ્યું
કમોસમી વરસાદના કારણે ખેડૂતોને ભારે નુકશાન સહન કરવાનો વારો આવ્યો છે. ત્યારે બનાસકાંઠાના લાખણીમાં ખેડૂતોએ વાવેતર કરેલ તમાકુનાં પાકમાં ભારે નુકશાન વેઠવાનો ખેડૂતોને વારો આવ્યો છે.
માવઠાના મારે ગુજરાતના અનેક જિલ્લામાં ખેડૂતોની મહેનત પર પાણી ફેરવી વાળ્યું છે. અને ખેડૂતોના હવે રોવાના દિવસો આવ્યા છે. આવી જ કાંઈક સ્થિતિ બનાસકાંઠાના ખેડૂતોની બની છે.. કમોસમી વરસાદના કારણે લાખો રૂપિયાના પાકની નુકસાની વેઠવાનો વારો આવ્યો છે.
કમોસમી વરસાદથી તમાકુના પાકને ભારે નુકસાન પહોંચ્યું
કમોસમી વરસાદી આફત કેવી રીતે કઠણાઈ બનીને ખેડૂતો પર વરસી છે. બનાસકાંઠા જિલ્લાના સરહદી વિસ્તારના લાખણી પંથકના જ્યાં છેલ્લા ત્રણ દિવસ કરા સાથે પડેલા કમોસમી વરસાદથી તમાકુના પાકને ભારે નુકસાન પહોંચ્યું છે. અને ખેડૂતોને માથે હાથ દઈ રોવાના વારા આવ્યા છે.
અંદાજીત 50 ટકા પાકને નુકસાન પહોંચ્યું
તમાકુના પાકને કેટલું નુકસાન થયું છે. તે ખેડૂતોના હાથમાં રહેલા તમાકુના છોડ પરથી અંદાજ લગાવી શકાય છે.ખેતરમાં તમાકુના કોહવાઈ રહેલા અને જમીનદોસ્ત થયેલા છોડ પરથી પણ અંદાજ લગાવી શકાય છે કે, હાથમાં આવેલો તમાકુનો પાક કેવી રીતે કમોસમી વરસાદે છીનવી લીધો છે. વીટીવીની ટીમ જ્યારે સ્થાનિક ખેડૂતોની મુલાકાતે પહોંચી. અને તેમની સાથે ચર્ચા કરી તો જાણવા મળ્યું કે, અંદાજીત 50 ટકા પાકને નુકસાન પહોંચ્યું છે. અને જે પાક બચી ગયો છે. તેમાં પણ હજુ નુકસાની થાય તેવી શક્યતા છે.
તમાકુના વાવેતર માટે અંદાજીત ખેડૂતો 50 હજાર રૂપિયા કે તેથી વધુનો ખર્ચ
તમાકુના વાવેતર માટે અંદાજીત ખેડૂતો 50 હજાર રૂપિયા કે તેથી વધુનો ખર્ચ કરતા હોય છે..આ વર્ષે પાક પણ ખુબ સારો થવાની આશા હતી.. પરંતુ કરા સાથે પડેલા કમોસમી વરસાદે આશાઓ પર પાણી ફરેવી દીધું છે. તેવામાં આ નુકસાનીનો સર્વે થાય અને સરકાર ખેડૂતોને વળતર આપે તેવી માગ ઉઠી રહી છે. જોકે સરકારે પણ નુકસાનીની સહાયની જાહેરાત કરી છે.. પરંતુ ક્યારે સર્વે થાય છે.. અને ક્યારે સહાય મળે છે તે જોવું રહ્યું.