તીડ આક્રમણ / રાજ્યના આ વિસ્તારોમાં લાખોની સંખ્યામાં તીડનું ઝુંડ દેખાતા ખેડૂતોના જીવ અધ્ધરતાલ

• રાજ્યમાં ખેડૂતો ફરી એક વખત તીડના આતંક
• વહીવટી તંત્ર થયું દોડતું
• લાખોનું ઝૂંડ હોવાથી ખેડૂતો પરેશાન

રાજ્યમાં ખેડૂતો ફરી એક વખત તીડના આતંકથી પરેશાન છે. ઉત્તર ગુજરાતના જિલ્લાઓમાં તીડ ત્રાટકતા ખેડૂતોને પરેશાનીનો સામનો કરવો પડી રહ્યો છે. હાલમાં સાબરકાંઠાના હિંમતનગર, ઇડર, મહેસાણામાં તીડ દેખાયા છે. લાખોની સંખ્યામાં તીડનું ઝુંડ આવતા ખેડૂતોના જીવ અધ્ધરતાલ થયા છે. તો વહીવટીતંત્ર પણ દોડતું થયું છે. સાબરકાંઠાના અન્ય તાલુકાઓમાં પણ તીડ ફેલાય તેવી સંભાવના દર્શાવવામાં આવી રહી છે. 

વિસનગર તાલુકામાં રણતીડના ઝુંડ દેખાયું

મહેસાણાના પાલવાસણા ગામમાં રણ તીડનું ઝુંડ ત્રાટક્યું છે. મહિલા સરપંચ સહિત ગ્રામજનો તીડ ઉડાડવા નિકળ્યા હતાં. અલગ-અલગ પ્રકારની યુક્તિઓ અજમાવવામાં આવી રહી છે, તેમજ થાળી, ઠોલ, નગારા પણ વગાડી રહ્યાં છે. ગામના ખેતરોમાં તીડ પહોંચતા ખેડૂતો ખૂબ મુશ્કેલી થઇ રહી છે.

પાટણના રાધનપુરના ગામમાં તીડ ત્રાટક્યા હતા. બનાસકાંઠામાં છેલ્લા કેટલાક દિવસથી તીડનો આતંક જોવા મળી રહ્યો છે. તો બીજી તરફ રાજસ્થાન, યૂપી અને મધ્યપ્રદેશમાં પણ તીડ પહોંચી ચૂક્યા છે. તો બીજી તરફ અમદાવાદ જિલ્લામાં દેત્રોજમાં તીડ ત્રાટકવાની શક્યતાઓને જોતા જિલ્લા વહિવટીતંત્ર દ્વારા તીડના આક્રમણ સામે જરૂરી પગલા લેવાની તૈયારીઓ પૂર્ણ કરી દેવામાં આવી છે.