વાતાવરણમાં પલટો / ભરઉનાળે ચોમાસા જેવો માહોલ, રાજ્યનાં આ વિસ્તારોમાં ધુમ્મસનાં કારણે ખેડૂતો પરેશાન

• અમદાવાદમાં ધુમ્મસભર્યું વાતાવરણ
• ધુમ્મસથી વાહનચાલકોને ભારે હાલાકી
• ભર ઉનાળે ચોમાસા જેવો માહોલ સર્જાતા ખેડૂતોમાં ચિંતા 

એક તરફ રાજ્યભરમાં લોકો કાળઝાળ ગરમીનો સામનો કરી રહ્યાં છે. તેમજ આગામી સમયમાં હજુ પણ ગરમીનો પારો વધે તેવી શક્યતાઓ હવામાન વિભાગના સૂત્રો દ્વારા કરાઈ રહી છે. જેની વચ્ચે અમદાવાદ સહિત આસ-પાસના જિલ્લામાં છેલ્લા બે દિવસથી વાતાવરણમાં ભારે પલટો જોવા મળી રહ્યો છે. 

 ધુમ્મસભર્યું વાતાવરણના કારણે વાહનચાલકોને ભારે હાલાકી 

અમદાવાદ સહિત આસ-પાસના વિસ્તારોમાં આજે વહેલી સવારથી અમદાવાદમાં ધુમ્મસભર્યું વાતાવરણ જોવા મળ્યું હતું. વહેલી સવારથી જ ધુમ્મસભર્યા વાતાવરણના કારણે વાહનચાલકોને હાલાકી પડી હતી. 500 મીટરના અંતરે વિઝિબિલિટીમાં ઘટાડો થયો છે. વાહનચાલકો હેડ લાઇટ ચાલુ કરીને વાહન ચલાવું પડ્યું હતું.

વહેલી સવારથી જ ગાઢ ધુમ્મસ છવાઈ જતાં હિલ સ્ટેશન જેવું વાતાવરણ જોવા મળ્યું 

આમ અમદાવાદ સહિત આસ-પાસના વિસ્તારોમાં વહેલી સવારથી જ ગાઢ ધુમ્મસ છવાઈ જતાં હિલ સ્ટેશન જેવું વાતાવરણ જોવા મળ્યું છે. તો વળી બીજી તરફ રાજ્યના હવામાન વિભાગના જણાવ્યા અનુસાર રાજ્યમાં આજથી ભીષણ ગરમીનો વધુ એક રાઉન્ડ શરુ થઈ શકે છે. જેમાં ઉત્તર ગુજરાત, સૌરાષ્ટ્ર, કચ્છમાં શનિવાર અને રવિવાર માટે યલો એલર્ટ જાહેર કરવામાં આવ્યુ છે. જ્યારે બીજી તરફ આજે અમદાવાદમાં આગામી ગામી 3 દિવસ સુધી ઓરેન્જ એલર્ટ જાહેર કર્યું છે 

ધુમ્મસભર્યા વાતાવરણના પગલે ખેડૂતો ચિંતત

આમ અમદાવાદ સહિત આસ-પાસના વિસ્તારોમાં  આજે વહેલી સવાર થીજ ભારે ધુમ્મસ છવાયું હતું. જેને લઈને જગતનો તાત ચિંતાતુર થઈ ગયો છે. ધુમ્મસભર્યા વાતાવરણના અને ઝાકળ વર્ષાના કારણે ઉનાળાના પાકને ભારે નુક્સાની ભીતિ સેવાઈ રહી છે.