ભાવનગરમાં કપાસના અને રાજકોટના ધોરાજીમાં ડુંગળીના ભાવ ન મળતા ખેડૂતો પરેશાન, ડુંગળીના પ્રતિ મણનો ભાવ 220 રૂપિયા અને કપાસના ભાવ 1400એ આવી જતા ખેડૂતોમાં નારાજગી જોવા મળી રહી છે
ભાવનગરમાં ચાલુ સીઝનમાં કપાસનું વાવેતર 3.50 લાખ હેકટર થયું હતું
ભાવનગર જિલ્લાના તળાજા અને ભાવનગર માર્કેટયાર્ડ ખાતે કપાસની આવક શરૂ થઈ છે. ખેડૂતો પોતાનો કપાસ વેચવા બજારમાં આવી રહ્યા છે. તેવામાં ભાવનગર માર્કેટિંગ યાર્ડમાં કપાસના ભાવ 1 હજાર 400એ આવી જતા ખેડૂતોમાં નારાજગી જોવા મળી રહી છે. જેમા સરકારે ચીનમાંથી કપાસની ગાંસડીઓની આયાત કરતા ખેડૂતોએ વિરોધ કર્યો છે સાથે જ ખેડૂતોની માંગ છે કે ચીનમાંથી કપાસની ગાંસડીઓની આયાત બંધ કરવી જોઈએ. તો બીજી તરફ રાજકોટના ધોરાજી માર્કેટિંગ યાર્ડમાં ડુંગળીની પુષ્કળ આવક નોંધાઈ પણ ડુંગળીના ભાવમાં ધરખમ ઘટાડો જોવા મળી રહ્યો છે. ડુંગળીના પ્રતિ મણનો ભાવ 220 રૂપિયા સુધી બોલાયો છે જ્યારે છેલ્લા એક અઠવાડિયામાં પ્રતિ મણના ભાવમાં 80 રૂપિયા ઘટાડો નોંધાયો જેને લઇ ખેડૂતોમાં નારાજગી જોવા મળી રહી છે.
કપાસમાં ભાવ ન મળતા ખેડૂતો પરેસાન
રવિ પાકની સીઝન પૂરબહારમાં ખીલી ઉઠી અને હવે ગત વર્ષમાં ઉત્પાદન થયેલ માલ પૂરો થવાની તૈયારી છે. ત્યારે ભાવનગર માર્કેટિંગયાર્ડમાં મગફળી અને કપાસની આવક ધીમે ધીમે ઓછી થવા લાગી છે. ભાવનગર અને તળાજા યાર્ડમાં અત્યાર સુધીની સીઝનમાં સૌથી ઊંચા ભાવે કપાસનું વેચાણ થતું હતું અને આ વર્ષે કપાસના ભાવ 2000થી 2200 સુધી પહોચ્યોયા હતા ચૂંટણી પહેલા ખેડૂતોને કપાસના સારા ભાવ મળતા હતા પરંતુ હવે અચાનક જિનિંગ મિલ સંચાલકો દ્વારા અચાનક ઓછા ભાવે ખરીદી કરવાનો નિર્ણય અને સરકર દ્વારા ચીનથી કપાસની ગાંસડીઓની આયાત સરુ કરતા ખેડૂતોને સ્થાનિક કક્ષાએ ભાવ ન મળતા નથી ભાવનગર અને તળાજાના યાર્ડમાં ખેડૂતોને પૂરતા ભાવ મળતા નથી. આજે કપાસના ભાવ 1400 જેટલા નીચા પહોંચી ગયા છે, આમ તો ગત વર્ષમાં વાવાઝોડું અને પાછોતરા વરસાદના કારણે કપાસને ભારે નુકસાન થતા ઉત્પાદન ઓછું થયું હોવાથી આ વર્ષે ભાવ સારા રહ્યં છે પંરતુ હમણાં ભાવ ઘાટ ખેડૂતો ચિંતિત બન્યા છે .
ચીનથી કપાસની આયાત કરાતા ભાવ ઘટ્યા?
ભાવનગર જિલ્લામાં ખરીફ પાકમાં આ વર્ષે સીઝનની શરૂઆતથી જ માર્કેટિંગયાર્ડમાં માલનો ભરાવો થવા પામ્યો હતો ત્યારે પણ ઓછા ઉત્પાદનને લઈને ભાવ સારા મળતા હતા. ભાવનગર જિલ્લામાં ચાલુ સીઝનમાં કપાસનું વાવેતર 3.50 લાખ હેકટર થવા પામ્યુ હતું. આ વર્ષે ઉત્પાદનમાં ભારે ઘટાડો થવા પામ્યો છે. ગુજરાત અને દેશમાં કપાસનું ઉત્પાદન થતા સરકારે ચીનથી કપાસની આયાત સરું કરતા સ્થાનિક કક્ષાએ ભાવ તળિયે બેસી ગયા છે તેમ ખેડૂત આગેવાનો કહી રહ્યાં છે
ડુંગળીના ભાવમાં પણ ધરખમ ઘટાડો
કપાસ બાદ ડુંગળીના ભાવમાં પણ ઘટાડો થતાં ખેડૂતો મુશ્કેલીમાં મુકાયા છે. ધોરાજી માર્કેટિંગ યાર્ડમાં ડુંગળીનો પ્રતિ મણનો ભાવ 220 રૂપિયા સુધી બોલાયો છે. માત્ર એક અઠવાડિયામાં પ્રતિ મણના ભાવમાં 80 રૂપિયા ઘટાડો નોંધાયો છે.