પ્રધાનમંત્રી ફસલ વીમા યોજના માત્ર કાગળ પર ખેડૂતોને પાકવીમાના નાણા નથી ચૂકવાયા

બનાસકાંઠાઃ ખેડૂતોને ખુશ કરવા એક સમયે સરકાર યોજનાઓ બહાર પાડી દે છે. પરંતુ આ યોજનાઓનો અમલ થતો નથી. યોજનાઓ માત્ર કાગળ પર જ રહી જાય છે. આવુ જ કંઇક બનાસકાંઠા જિલ્લામાં થયું છે.

કેન્દ્ર સરકારે જાહેર કરેલ પ્રધાનમંત્રી ફસલ વીમા યોજનામાં ખેડૂતોને પાક વીમાના નાણા ચુકવાયા નથી. ખેડૂતો નું માનવું છે કે બેંક અને સરકારે ખેડૂતો સાથે છેતરપીંડી કરી છે.

શું છે સમગ્ર મામલો
બનાસકાંઠા જિલ્લો જયાં વર્ષ 2015-2017માં ભયાનક પૂર આવતા ખેડૂતોના બેહાલ થઇ ગયા હતા. પૂરના કારણે ખેડૂતોનો મોટાભાગનો પાક નિષ્ફળ ગયો હતો. પરંતુ ખેડૂતોને બેંક દ્વારા વીમના નાણાં ચૂકવાયા નથી. સરકારે ખેડૂતો સાથે છેતરપિંડી કરી હજારો ખેડૂતોના લાખો રૂપિયાથી વધુ ખંખેરી લઇ ખેડૂતને પાઇ આપી નથી. 

બનાસકાંઠામાં બે વાર આવેલા પુરના કારણે ખેડૂતોનો પાક નિષ્ફળ ગયો હતો. પરંતુ બેંક દ્વારા વીમાના નાણાં લઈને પાક વીમો ન ચૂકવવાના કારણે ખેડૂતોમાં રોષ છે. કરોડોની રકમ વીમાના નામે કાપી લઈ ખેડૂતો સાથે છેતરપીંડી થયાની વાત ખેડૂતો કરી રહ્યા છે.

ખેડૂતોને નાણા ન ચુકવાતા પાલનપુરના ધારાસભ્યએ વિધાનસત્રમાં રજૂઆત કરી હતી. હજારો ખેડૂતોના લાખો ઉપરાંતના નાણા લઇને આજદિન સુધી ચુકવણું કરાયું નથી. ત્યારે બેંકો અને સરકાર ખેડૂતોને ક્યારે નાણા ચૂકવશે?