ચોમાસું / રાજ્યનાં કેટલાંક જિલ્લાઓમાં મેઘરાજા પધાર્યા, ઝરમર વરસાદને પગલે પ્રસરી ઠંડક

આખરે ઘણા સમયના વિરામ બાદ રાજ્યમાં વરસાદે ધમાકેદાર આગમન કર્યુ છે. ત્યારે રાજ્યનાં કેટલાંક જિલ્લાઓમાં વરસાદે આગમન કરતા ખેડૂતોમાં ખુશીનો માહોલ છવાઇ ગયો છે. ત્યારે રાજ્યનાં મહીસાગર જિલ્લામાં વરસાદી માહોલ છવાઇ ગયો હતો. ઘણા લાંબા સમયનાં વિરામ બાદ જિલ્લામાં વરસાદે આગમન કર્યુ હતું. વહેલી સવારથી જ ઝરમર ઝરમર વરસાદ શરૂ થઇ ગયો હતો. ભારે ગાજવીજ સાથે મહીસાગરમાં વરસાદ વરસ્યો હતો. ત્યારે સુકાતા પાકને પાણી મળતા ખેડૂતો ખુશખુશાલ થઇ ગયા હતાં.

બીજી બાજુ અમરેલીમાં પણ આજે સવારથી જ અચાનક વાતાવરણમાં પલટો આવતા વરસાદનું આગમન થયું છે. લાંબા વિરામ બાદ ફરી વરસાદનું આગમન થયું છે. ધણા દિવસોના વિરામ બાદ આજે મેધરાજાની ફરી એન્ટ્રી થઈ છે. વરસાદને પગલે ખેડૂતોમાં ખુશીનો માહોલ જોવા મળી રહ્યો છે. તો બીજી બાજુ હજી પણ સારો વરસાદ પડે તેવી ખેડૂતો આશા રાખી રહ્યા છે. તો આ તરફ વલસાડમાં લાબા વિરામ બાદ ફરી વરસાદનું આગમન થયું છે. લાંબા વિરામ બાદ મેઘરાજાનુ આગમન થતા ધરતીપુત્રોમાં આનંદની લાગણી છવાઈ ગઇ હતી. વાપી અને આસપાસના વિસ્તારોમાં વરસાદ પડતા ખેડૂતોમાં ખુશીની લહેર જોવા મળી રહી છે.

જેતપુરમાં પણ આજ સવારથી અચાનક વાતાવરણાં પલટો આવતા વરસાદનું આગમન થયું છે. જેતપુરના વાડિયા અને બગસરામાં લાબા વિરામ બાદ ફરી ધીમી ધારે વરસાદનું આગમન થતા ચારે બાજુ હરિયાળી છવાઇ ગઇ હતી. એમ કહીએ કે વરસાદની કાગડોળે રાહ જોઇ રહેલા ખેડૂતો માટે આખરે આનંદનો દિવસ છે. ઘણા દિવસોના વિરામ બાદ આજે મેધરાજાની ફરી એન્ટ્રી થઈ છે. વરસાદને પગલે ખેડૂતોમાં તેમજ બાળકોમાં પણ ખુશીનો માહોલ જોવા મળ્યો હતો. વરસાદ આવતા ખેડૂતોના પાકને પણ જીવનદાન મળ્યું છે.