વિશ્વ સામે પડકાર લઈને આવેલા કલાયમેટ ચેન્જ વૈજ્ઞાનિકોની કઠોર પરીક્ષાઓ કરીને પૃથ્વી પર હાવી થઇ રહ્યું છે. માનવથી લઈને કૃષિ પેદાશોમાં પણ કલાયમેટ ચેન્જની અસર જોવા મળી રહી છે. ત્યારે બાગાયતના બગીચાઓ પણ આ અસરથી અસુરક્ષિત બન્યા છે. ગત સીઝનની સરખામણીએ ચાલુ સીઝને દક્ષિણ ગુજરાતમાં ચીકુનો પાક ઓછો ઉતરતા ખેડૂતો દુઃખી થયા છે.
દક્ષિણ ગુજરાતને બાગાયતનો બગીચો ગણવામાં આવે છે તેમાં નવસારી જિલ્લાને બાગયાતનું નંદનવન તરીકે ઓળખવામાં આવે છે. ચીકુ કેરી અને શાકભાજી અહીં મુખ્ય બાગાયતી પાકો છે જેમાં ગ્લોબલ્વોર્મિંગના કારણે પાકોને નુકસાન કરાઈ રહ્યું છે. ચીકુ અહીંના ધરતીપુત્રોની આર્થિક સુખાકારીનો માપદંડ છે. પરંતુ ક્લાયમેટ ચેન્જે આ સુખાકારી ચેન્જ કરી છે. દેશ અને રાજ્યની ઠંડીએ નાજુક ગણાતા ચીકુના પાકને નુકસાન પહોંચાડ્યું છે. દક્ષિણ ગુજરાત પર હાવી થયેલી ઠંડીના કારણે ચીકુના ઉત્પાદન પર સીધી અસર પડી છે. જેને લઈને ખેડૂત સહકારી આગેવાનોમાં ચિંતાનું મોજું ફરી વળ્યું છે. ગતસિઝન કરતા ચાલુ સીઝને ચીકુનો ઓછો પાક ઉતારવાની આશંકા વ્યકત કરી છે. જેને લઈને ખેડૂતોએ આર્થિક નુકસાન વેઠવાનો વારો આવશે.
આ પંથકમાં ગ્લોબલ વોર્મિંગનું ગ્રહણ લગતા ઉત્પાદન સાથે ગુણવત્તાઓ પર અસર પડી રહી છે. ગત સીઝનમાં નવસારી જીલ્લામાં કુલ ચીકુનું ઉત્પાદન ૧ લાખ હજાર ટન હતું. તેમાં પણ ગુણવત્તાયુક્ત મોટા ફળો થયા હતા. તેનાથી ઉલટું આ વખતે નાના ફળો સાથે ઉત્પાદનમાં ૫૦ ટકાનો ઘટાડો જોવા મળશે. જેના કારણે આ વખતે બજારમાં આ તમામ વસ્તુના ભાવમાં ભડકો જોવા મળશે. સહકારી આગેવાનો પણ મુંઝવણમાં મુકાયા છે. ગત સીઝન કરતા ૫૦ ટકા ચીકુ મંડળીમાં ઓછો માલ ઠલવાશે. જેના કારણે દેશભરમાં ચીકુના ભાવમાં ધરખમ વધારો થશે ખાસ કરીને મધ્યમવર્ગના લોકો અને ચીકુના રસિયાઓ માટે સમસ્યા રહેશે.
સમગ્ર દેશના સ્વાદનો મીઠો ચટકો લગાવનાર નવસારીના અમલસાડી ચીકુ ખાસ કરીને દિલ્હી પંજાબ હરિયાણા ઉત્તરપરદેશમાં વધુ આ ચીકુની વધારે માગ હોય છે. ત્યાના લોકોની પેહલી પસંદ આ વિસ્તારના ચીકુની હોય છે. પરંતુ પાક ઓછો ઉતરવાને કારણે ચાલુ સીઝને સ્વાદ રસિયાઓ નારાજ થાય અથવા તો તેમને સ્વાદ મોંઘો બને એવા સમીકરણો રચાયા છે. ત્યારે અહિંયાના ખેડૂતો પણ હવે પોકારી રહ્યા છે કે વૈજ્ઞાનિકો કહે છે તે મુજબ જો આગામી સમયમાં નહીં થાય તો દેશ વિદેશમાં આ રીતે પાકનો નાશ થશે અને લોકોને જીવવું મુશ્કેલ બનશે.